Aleksandr Spendiarov

Александр Афанасевич Спендиаров (Спендиарян) – (1871.20.10 (1.11), Украина, Каховка шаҳри – 1928.7.5, Ереван] – арман композитори, дирижёр, жамоат арбоби. Арманистон халқ артиста (1926). Арман мусиқасининг классиги, миллий симфонизм ("Эриван этюдлари", 1925 ва бошқалар) ва опера ("Алмаст", 1928) яратувчиси. Симфоник, вокалсимфоник, хор ва бошқа асарлар муаллифи. Арманистон опера ва балет театрига Спендиаров номи берилган (1939). Ереванда Спендиаров уймузейи мавжуд. 11 жилдли мукаммал асарлари тўплами нашр этилган (1943–85). Тошкентда 1953-йилда "Алмаст" операси саҳналаштирилган.