Aleksandr Stoletov

Александр Григоревич Столетов [1839.29.7 (10.8), Владимир — 1896.15(27).5, Москва] — рус физиги. Москва университетини тугатган (1860), шу университет ўқитувчиси (1866-йилдан), профессор (1873-йилдан). Асосий илмий ишлари электр ва магнетизм ҳодисалари муаммоларига оид. Столетов темирнинг магнит хоссаларини ўрганиб (1872), магнит қабулчанликнинг магнит майдон кучланганлигига боғлиқлик эгри чизиғи максимум қийматга эга бўлишини кўрсатган. Электромагнит ва электростатик бирликлар нисбатини аникдаб, ёруғлик тезлигига яқин қийматни ҳосил қилди (1876). Ташқи фотоэффект ҳодисаси устида кузатишлар олиб бориб (1889-99), фототок кучининг ёруғлик интенсивлигига боғликлик қонуни (Столетов қонуни)ни кашф этди. Столетов фотоэффектни ўрганиш бўйича олиб борган тажрибаларда қўллаган электр схема замонавий фотоэлемент тимсоли бўлиб қолди. Фотоэффект ҳодисаси устида олиб борган текширишлари уни жаҳонга танитди. Столетов газ разряди назариясига катта ҳисса қўшди, моддаларнинг критик хрлатини ва бошқаларни ўрганди. Москва университетида физика лабараторияга асос солди.