Aleksandr Ursati
Александр Иванович Урсати (1848-йил — 1918-йилдан кейин) – темир йўл муҳандиси, темир йўлларни ўрганиш бўйича тадқиқот экспедициясининг биринчи раҳбари (1887—1889) ва Уссури йўли қурилишининг биринчи раҳбари (1891—1892).
| Александр Иванович Урсати | |
|---|---|
| Таваллуди | 1848-йил |
| Вафоти | 1918-йилдан кейин |
| Таълими | Санкт-Петербург темир йўл муҳандислари институти |
| Касби | Муҳандис |
Ҳаёти
Александр Иванович Урсати 1848-йилда туғилган. Қозон классик гимназиясини ва Санкт-Петербург темир йўл муҳандислари институтини (1873) тугатган. У қурилиш ишларини олиб бориш ҳуқуқига эга бўлиш ва давлат хизматига кириш, коллегиал котиб унвонини олиш учун институда ўқиган.
Александр Урсати Темир йўллар вазирлигида маошсиз муҳандис бўлиб ишлаган. 1874-йил 8-январда унинг шахсий илтимосига биноан у „Ростов-Владикавказ темир йўли“ қурилишига жўнатилади. 1875-йил август ойида у вазирликка қайтиб келди ва „темир йўл қўмитасининг техник ва назорат бўлими“га ишга киради. Кейин у Донецк, Кривой Рог ва Баскунчак магистралларида ишлаган. 1884-йил 4-сентябрда у давлат темир йўллари муваққат бошқармасига махсус лавозимга тайинланган.
1887-йил 7-июнда у Жанубий Уссури темир йўлининг тадқиқотларини ўтказиш учун экспедиция бошлиғи этиб тайинланди. Икки йилдан камроқ вақт ичида янги магистрал йўлнинг маршрутлаш ишлари якунланиб, материаллар Вазирликка тақдим этилди. 1889-йил 1-майда у Темир йўллар қўмитасининг Муваққат бошқармаси ихтиёрига қайтарилди. 1891-йил 17-мартда Буюк Сибир йўли ва унинг бошланғич қисми Жанубий Уссури темир йўли (Владивосток – Николское – Спасский – Графская) қурилишининг бошланиши тўғрисида қарор қабул қилинди. 1892-йил октябргача йўл қурилиши бошлиғи А.И.Урсати эди[1].
Кейинчалик у Ғарбий Сибир темир йўли қурилиши бошлиғининг ёрдамчиси бўлган[2]. Транс-Каспий темир йўлини (Самарқанддан Андижонга, ундан Тошкентгача бўлган йўналиши) қуришда иштирок этган[3], Урсатиэвская стансияси унинг номи билан аталган. У бир нечта соҳаларда тадқиқот ишларини олиб борди.
1899-йилда темир йўл қурилишини муваффақиятли якунлаганлиги учун А.И.Урсати муддатидан олдин давлат маслаҳатчиси лавозимига кўтарилди. У Тошкентдаги Благовешченскй черкови лойиҳаси муаллифи ҳисобланади.
Оиласи
Хотини – Юлиана Михайловна Свенчетти[4].
Манбалар
- ↑ Сергеĭ Николаэвич И︠У︡зҳаков. Доброволец Петербург: дважды вокруг Азіи: путевыя впечатлѣнія. Типолит. Б.М. Вольфа, 1894.
- ↑ „Сергей Николаевич Южаков (Короленко)/ПСС 1914 (ДО) — Викитека“ (ру). ру.wикисоурcе.орг. Қаралди: 2022-йил 22-октябр.
- ↑ „На Памирах (Головнина) — Викитека“ (ру). ру.wикисоурcе.орг. Қаралди: 2022-йил 22-октябр.
- ↑ К моменту их знакомства Юлиана Михайловна была замужем, как указывают краеведческие источники, — за высокопоставленным столичным чиновником. М. А. Свечин в «Записках старого генерала о былом» указывал, что после окончания офицерской кавалерийской школы он ездил к матери, «которая, в это время, жила со своим мужем А. И. Урсати в гор. Оренбурге».
Ҳаволалар
- „Александр Иванович Урсати“ (ру). Дальневосточная магистраль; Портал региональных корпоративных газет (2007-йил 19-январ). 2012-йил 31-октябрда асл нусхадан архивланган. Қаралди: 2012-йил 20-сентябр.
- „Александр Иванович Урсати“ (ру). Рязанско-Уральская железная дорога. Персоналии. Қаралди: 2012-йил 20-сентябр.
- „Пионеры Дальневосточной железной дороги“ (ру) (деадлинк). Музей истории Дальневосточной железной дороги. 2012-йил 11-майда асл нусхадан архивланган. Қаралди: 2012-йил 20-сентябр.
- Буркова В. Ф. „Глава 2: Первое Имя“, . Дальневосточная магистраль России.