Aleksandr Vishnevskiy

Александр Александрович Вишневский (1906—1975) — жарроҳ, Тиббиёт Фанлар академияси академик (1957), Россия (1956) ва Ўзбекистонда (1963) хизмат кўрсатган фан арбоби, тиббиёт хизмати генералполковниги (1963), тиббиёт фанлари доктори (1936), профессор (1939). 1948-йилдан Тиббиёт Фанлар академияси Жарроҳлик институтининг директори. Айни вақтда 1956-йилдан Армия бош жарроҳи. Митрал стеноз бўлган юракни жаҳонда биринчи бўлиб операция қилган (1953); сунъий қон айланиш аппарати ёрдамида "очиқ юрак" операциясини биринчи бўлиб амалга оширган (1957). Туғма ва ҳаётда орттирилган юрак порогини операция қилиб даволашнинг янги усули В. раҳбарлигида ишлаб чиқилган.

Адабиётлар

• ЎзМЕ. Биринчи жилд. Тошкент, 2000-йил