Aleksandr Yarotskiy
Александр Иванович Яроцкий (1866-йил, Санкт-Петербург, Россия империяси – 1944-йил, Самарқанд вилояти, Ўзбекистон ССР, СССР) – совет олими, терапевт, тиббиёт фанлари доктори, профессор. Аритетерапия психотерапевтик методи муаллифи[1].
| Александр Иванович Яроцкий | |
|---|---|
| Таваллуди |
1866-йил |
| Вафоти |
1944-йил Самарқанд, Ўзбекистон ССР, СССР |
| Фуқаролиги |
 Россия → СССР |
Биографияси
Александр Иванович Яроцкий 1866-йил Россия империясига қарашли бўлган Санкт-Петербург шаҳрида хизматчи оиласида туғилган. 1884-йил Ларинский номидаги гимназияни тамомлади[2]. 1885-йилдан 1889-йилгача Санкт-Петербург ҳарбий тиббиёт академиясида таҳсил олди. 1890-йилдан 1893-йилгача Россия империясининг Новгород ва Твер вилоятларида земство шифокори бўлиб ишлади[3]. Александр Яроцкийнинг илк илмий иши „Шифокор“ илмий журналида чоп этилган. У Твер вилояти шифокорларининг 11-Конгрессида „Земство шифокорларининг вазифалари“ мавзусида тақдимот қилган. Яроцкий 1894-йил Санкт-Петербургга қайтиб, Обухов номидаги шифохонада бир муддат шифокорлик қилган.
Александр Яроцкий 1898-йил номзодлик диссертациясини ёқлаб, тиббиёт фанлари доктори унвонига эришган. 1904-йил профессор илмий даражасини олган. У 1919-йилдан 1924-йилгача Қрим давлат университетида терапия факултети профессори, 1924-йилдан 1931-йилгача Сеченов номидаги тиббиёт университетида профессор ҳамда 1931-йилдан 1944-йилгача Москва давлат тиббиёт университетида профессор бўлиб фаолият юритган.
Александр Яроцкий 100 дан ортиқ илмий ишлар муаллифи. У 1944-йили Самарқанд терапевтлар жамиятида тиббиётнинг долзарб мавзуси ҳақида маъруза қилади.
Александр Яроцкий 1944-йил Самарқанд шаҳрида вафот этган.
Илмий фаолияти
Профессор Александр Яроцкийнинг илмий фаолияти, асосан ички касалликларни ўрганиш билан боғлиқ бўлган. У ошқозон ва ўн икки бармоқли ичакдаги ярани даволаш учун ўз парҳези (Яроцкий парҳези)ни таклиф қилган. Яроцкий ҳаёти давоми 70 дан ортиқ илмий мақолалар ёзди. Илмий мақолалари асосан „Клиник тиббиёт“ журналида чоп этиларди.
Манбалар
- ↑ Литвинов А. В. А. И. Яроцкий (1866—1944) и эго рол в становлении и развитии отечественной терапевтической школи // Математическая морфология: электронний математический и медико-биологический журнал. – СГМУ, 2001.
- ↑ „Пятидесятилетиэ С.-Петербургской Ларинской гимназии…“. 2021-йил 28-ноябрда асл нусхадан архивланган. Қаралди: 2023-йил 11-сентябр.
- ↑ „Профессора Таврического университета. Яроцкий Александр Иванович“. 2020-йил 30-сентябрда асл нусхадан архивланган. Қаралди: 2023-йил 11-сентябр.