Aleksandr Yudin
Александр Юревич Юдин (1949-йил 26-октабр, Термиз – 1986-йил, Тошкент) – Совет шоссе ва трек велосипедчиси, 1970-йилларнинг биринчи ярмида СССР терма жамоаси сафида иштирок этган. Турли йўналишлар бўйича СССР чемпиони, республика чемпионатлари чемпиони, нуфузли кўп кунлик пойгалар ғолиби ва совриндори, Мюнхендаги ёзги Олимпия ўйинлари иштирокчиси. Мусобақаларда ССК шарафини ҳимоя қилган, СССРда хизмат кўрсатган спорт устаси (1975).
Биографияси
Александр Юдин 1949-йил 26-октябрда Ўзбекистон ССРнинг Термиз шаҳрида туғилган, болалиги шу ерда ўтган. Кейинчалик, Тошкентга кўчиб ўтган ва бу ердаги маҳаллий бетон йўлда велоспорт билан фаол шуғуллана бошлади, ССК жамоасида ўйнаган. Жами, турли йўналишлар бўйича етти марта СССР чемпиони бўлган.
Бир қатор муваффақиятли чиқишлари туфайли у 1972-йилда Мюнхенда бўлиб ўтган Ёзги Олимпия ўйинларида мамлакат шарафини ҳимоя қилиш ҳуқуқига эга бўлган. Жамоадошлари Владимир Кузнецов, Виктор Биков ва Анатолий Степаненко билан биргаликда жамоавий таъқиб дастурида чорак финал босқичига чиқишга эришган, аммо Полша терма жамоасига мағлуб бўлган.
1973-йилда Юдин „Тоуре Алгиэре“ кўп кунлик велопойгасида қатнашган, умумий тоифада иккинчи ўринни эгаллаган. Франсиядаги „Cирcуит де ла Сарта“ пойгаларида қатнашиб, иккинчи босқичда ғолиб чиқади. Кейинги мавсумда „Тоуре Мороccо“ нинг уч босқичида энг яхши натижани қайд этган бўлса, якунда умумжамоа ҳисобида иккинчи ўринни банд этган. 1975-йилда Франсиядаги „Бриттани“ турининг тўртинчи босқичида ғолиб чиққан, Италияда „Гиро дел Бергамасcо“ босқичининг кумуш ва бронза медали совриндори бўлган, „Тоуре Алгиэре“ нинг кўп босқичларида биринчи ўринни эгаллаган, шундан сўнг умумий ҳисобда учинчи ўринни эгаллаган.
Спортдаги катта ютуқлари учун „СССРда хизмат кўрсатган спорт устаси“ фахрий унвони билан тақдирланган. Спортдаги фаолиятини якунлагач, армияда хизмат қилишни давом эттирди. Шимолий кучлар гуруҳида хизмат қилган, маёр унвонига эга бўлган[1].
1986-йилда автоҳалокатда вафот этди.
Тошкентда ҳар йили хизмат кўрсатган спорт устаси Александр Юревич Юдин хотирасига бағишланган кўп кунлик велопойга ўтказилади[2].
Манбалар
- ↑ Борис Тасман. „Сборная СССР. Когда победителей не судят, всегда много жертв“. Прессбол-онлайн (2010-йил 14-январ). 2014-йил 13-декабрда асл нусхадан архивланган. Қаралди: 2014-йил 6-декабр.
- ↑ „На республиканском велотреке г. Ташкента в период с 17 по 19 марта впервые состоялась многодневная гонка, посвященная памяти заслуженного мастера спорта Александра Юдина“ (деадлинк). Федерация велосипедного спорта Узбекистана (2014). 2014-йил 13-декабрда асл нусхадан архивланган. Қаралди: 2014-йил 6-декабр.
Ҳаволалар
- ю/александр-юдин-1 — Олимпиада статистикаси Спорц-Референcе.cом веб-сайтида (ингл.)