Aleksandra Maxrovskaya
Александра Махровская Викторовна (1917-йил 21-декабр, Санкт Петербург, СССР - 1917-йил 18-август, Санкт Петербург, Россия Федерацияси) — совет ва рус архитектори, тарихий биноларни реконструксия қилиш соҳаси мутахассиси, Россия архитектура ва қурилиш академияси аъзоси[1].
| Александра Махровская Викторовна | |
|---|---|
| Таваллуди |
21-декабр, 1917-йил |
| Вафоти |
18-август, 1997-йил Санкт Петербург, Россия Федерацияси |
| Фуқаролиги |
 СССР→ Россия |
Биографияси
Александра Махровская Викторовна 1917-йил СССР таркибидаги Санкт Петербург шаҳрида туғилади. Унинг отаси Виктор Геннадиевич Махровский бўлиб, техника фанлари доктори илмий даражасига эга. Александра Махровская 1936-йил ўрта мактабни муваффақиятли тамомлайди. Шундан сўнг, у Ленинград давлат рассомлик, ҳайкалтарошлик ва архитектура университетининг архитектура факултетига ўқишга қабул қилинади. 1937-йилда бир вақтнинг ўзида Москва давлат чет тиллари институти немис тили факултетида сиртқи таълим шакли бўйича ўқишга қабул қилинади. 1939-йил Иккинчи жаҳон уруши бошланиши сабабли Ленинград давлат рассомлик, ҳайкалтарошлик ва архитектура университети фаолиятини тўхтатади[2]. Александра Махровская ва унинг оиласи 1943-йил Самарқандга эвакуация қилинади. Самарқандда Ленинград давлат рассомлик, ҳайкалтарошлик ва архитектура университетининг филиали бор эди. Ўша таълим муассасасида таҳсилини давом эттирди. Александра Махровская Самарқандда совет меъмори ва ҳайкалтароши Виктор Кочедамов билан турмуш қуради. Александра турмуш ўртоғи Виктор Кочедамов билан Самарқанддаги сув омборлари ва тарихий обидаларининг архитектурасини ўрганиш бўйича диссертациясини ҳимоя қилади[3]. Александра 1945-йил Ленинградга қайтади. У ерда ўзининг мутахассислиги бўйича дипломни қўлга киритади. Махровская 1947-йил Петровск шаҳридаги марказий қисмни қайта тиклаш лойиҳасида иштирок этади. Ушбу лойиҳада фаол иштирок этиб, Петровск шаҳрининг тарихий қисмини яратишда ўзининг ишларини тақдим этганлиги учун кумуш медал билан тақдирланади. Махровская 1955-йил СССР қурилиш ва архитектура академиясини муваффақиятли якунлаб, докторлик илмий даражасига эришади.
Александра Махровская 1997-йил 18-август куни Санкт Петербург шаҳрида вафот этади.
Манбалар
- ↑ „Александра Махровская биография“. Руссианлаw.нет. Қаралди: 12-сентабр 2023-йил.
- ↑ „ЛенНИИПградостроительства“. Энциклопедия Санкт-Петербурга. 2022-йил 8-мартда асл нусхадан архивланган. Қаралди: 2019-йил 30-апрел.
- ↑ „Махровская Александра Викторовна“. 2023-йил 19-сентябрда асл нусхадан архивланган. Қаралди: 12-сентабр 2023-йил.