Aleksandra Shlyaxova
 | Бу мақола бирорта туркумга қўшилмаган. Илтимос, мақолага алоқадор туркумлар қўшиб ёрдам қилинг. (2024-10) |
Александра Николаевна Шляхова (1923-йил, Запороже, Украина ССР, СССР – 1944-йил, Латвия ССР, СССР) – Улуғ Ватан уруши қатнашчиси, мерган аёл.
Биографияси
У 1923- ёки 1924-йилда Запороже шаҳрида туғилган[1]. Урушгача Запороже заводида ишлаган. Уруш бошланиши ва немис қўшинлари ҳужуми туфайли онаси, синглиси ва укаси билан бирга Уралга кўчирилган[2].
Чеборкул тумани ҳарбий комиссарлиги томонидан Қизил Армия сафига чақирилган. 1942-йил декабр ойида аёллар снайпер мактабини аъло баҳоларга тугатиб, битириш маросимида ВЛКСМ Марказий Қўмитаси номидан қурол қўндоғида монограммаси бўлган махсус снайпер милтиғи билан тақдирланган. 1943-йил август ойидан бошлаб ҳаракатдаги армияда хизмат қилган. 21-гвардия ўқчи дивизияси таркибида жанг қилган.
1943-йил 1-декабрда мина парчаси билан яраланган. Шифохонада даволанишдан сўнг ўз қисмига қайтган. 1943-йил 5-декабрдаги дивизия буйруғи билан 59-Гвардия ўқчи полкининг 8-ўқчи ротаси снайпер гвардия сержанти А. Н. Шляхова Қизил Юлдуз ордени билан тақдирланган. 1944-йил январ ойида 55 нафар душман аскар ва зобитларини йўқ қилгани учун „Жасорати учун“ медали билан тақдирланишга тавсия этилган. Ўша йилнинг 31-январида Қизил Байроқ ордени билан мукофотланган. Старшина унвонигача кўтарилган ва снайперлар взводининг командири бўлган.
1944-йил 7-октабрда Латвия ССР ҳудудида ҳалок бўлган. Добеле шаҳрида дафн этилган[3]. Вафотидан сўнг 1-даражали Ватан уруши ордени билан тақдирланган. Унинг снайпер милтиғи Москвадаги Қуролли Кучлар Марказий музейида сақланмоқда.
Запороже шаҳрида мактаблардан бирининг пионер отряди узоқ йиллар давомида Александра Шляхова номи билан аталган[2]
Адабиётлар
В. А. Чувилкин. „Девушки в шинелях“. „Москва ишчиси“ нашриёти, 1982-йил[4].
Манбалар
- ↑ „Шляхова Александра Николаевна на памят-народа.ру“. 2022-йил 3-декабрда асл нусхадан архивланган. Қаралди: 2022-йил 3-декабр.
- ↑ 2,0 2,1 „Шляхова Александра Николаевна“. 2018-йил 25-январда асл нусхадан архивланган. Қаралди: 2021-йил 29-январ.
- ↑ „Слово свое сдержали“. 2021-йил 3-февралда асл нусхадан архивланган. Қаралди: 2021-йил 29-январ.
- ↑ Чувилкин Виктор Алексеэвич – Девушки в шинелях