Ziyosfera

Aleksey Vasilyev

Алексей Александрович Василев (1907-йил 30-сентябр, Самарқанд, Россия империяси – 1975-йил 25-март, Кишинёв, Молдавия ССР) – совет Реалист рассоми, Молдавия ССР хизмат кўрсатган санъат арбоби[1].

Алексей Александрович Василев
Таваллуди 30-сентябр 1907-йил
Самарқанд, Россия империяси
Вафоти 25-март 1975-йил(1975-03-25)
(67 ёшда)
Кишинёв, Молдавия ССР
Фуқаролиги SSSR bayrogʻi СССР
Таълими Ленинград олий санъат ва техника институти
Касби Рассом
Мукофотлари

Ҳаёти

Алексей Василев Самарқандда ўқитувчи оиласида туғилган. 1912-йилда оиласи билан Пишпекка кўчиб келган. 1918-йилдан Алексей Василев Пишпекда профессионал рассом В.В.Образсов устахонасида рассомчилик бўйича таҳсил олади ва 1926–1927-йилларда Москвага кўчиб ўтади. 1927-йилдан у Москва академик санъат мактабида Э.Н.Якуб билан, сўнгра (1928-йилдан) Ленинград олий санъат ва техника институтида Фаворский ва Герасимов билан ўқиди. 1927–1934-йилларда у „минерал бўёқлар“ мавзусидаги мақолалар муаллифи Л.К.Мартенс томонидан таҳрирланган 26 жилддан иборат „Техник энциклопедия“ ни тузишда қатнашди[2]. 1935-йилда Федоров-Давйдов раҳбарлигида Давлат Третяков галереясида аспирантурани тамомлаган.

Аспирантурани тугатгандан сўнг, ҳали 30 ёшга тўлмаган Алексей Василев Қирғизистонга юборилди. У болалиги ўтган шаҳар Фрунзе шаҳрида (ҳозирги Бишкек) янги ташкил этилган бадиий галереянинг биринчи директори этиб тайинланди. Кейинчалик у Сибирнинг бир қатор шаҳарларида, хусусан, Хабаровск ва Анадирда музей ишларини ташкил этишда иштирок этди. 1941-йилда у Риббентроп ва Молотов пакти бўйича Молдавия ССРга янги қўшилган ҳудудларига юборилди. Лекин тез орада, немислар ҳужуми натижасида у ерни тарк этишга мажбур бўлди. Молдова озод этилгандан сўнг, у биринчилардан бўлиб, олдинга силжиган армияга эргашиб, минтақага қайтиб келди ва биринчи ташкилий қурултойда Молдова Совет рассомлари уюшмаси раиси этиб сайланди.

Кейинги йилларда А.А.Василев Молдавия ССРдаги деярли барча бадиий ишларга раҳбарлик қилди, нафақат Республика Рассомлар уюшмасига, балки (1961–1966-йилларда) И.Э.Репин номидаги Кишинёв рассомлик билим юртига ҳам раҳбарлик қилди. Хитойга расмий бадиий ташрифлар билан борган.

1967-йилда Василев нафақага чиқди. Икки йилдан сўнг И.Шведовнинг унинг ижодига бағишланган монографияси нашр этилди. У ҳақидаги иккинчи биографик китоб 1979-йилда рассомнинг қизи Наталя Алексеевна Василева томонидан нашр этилган.

Ўз навбатида, А.А.Василевнинг ўзи ҳам ҳамкасби, реалист рассом И. Ф. Титов ҳақида монография ёзган.

Рассом Василев 1975-йилда Кишинёвда вафот этди[3].

Ижоди

Рассом сифатида А.А.Василев реализм жанрида ишлади. Ҳаётдан ишланган кўплаб манзара ва жанрли саҳналар муаллифи, унда устози А.М.Герасимовнинг таъсири сезилади. Василевнинг асарлари посцовет мамлакатларидаги кўплаб йирик музейлар коллексияларида сақланади. Уларнинг аксарияти Кишинёвдаги Молдова Республикаси миллий тасвирий санъат музейида сақланмоқда. 2018-йилда Кишинёвда А.А.Василев ижодига бағишланган бадиий албом нашр этилди.

Манбалар

  1. ↑ „ВАСИЛЬЕВ АЛЕКСЕЙ АЛЕКСАНДРОВИЧ (1907 - 1975)“. www.артпанорама.су. Қаралди: 16-сентабр 2023-йил.
  2. ↑ „Основные авторы и редакторы Т. Э.“, Техническая энциклопедия : [в 26 т , дополнительный том и предметный указатель.], 1-е изд 30500 экз, М.: Государственное словарно-энциклопедическое издательство «Советская энциклопедия» ОГИЗ РСФСР, 1934 — 7-бет. 
  3. ↑ „ВАСИЛЬЕВ Алексей Александрович (Кишинев)“. www.русский-пейзазҳ.ру. Қаралди: 16-сентабр 2023-йил.

Адабиётлар

  • И. А. Шведов . Алексей Александрович Васильев. – Кишинёв: Картя молдовеняскэ, 1969. – 99 с. – (Литературный портрет).
  • Васильева, Наталия Алексеевна. Васильев Алексей Александрович, 1907–1975 [Текст] / [Предисл. А. Лебедева]. – Кишинев : Лит. артистикэ, 1979. – 66 с., 20 л. цв. ил. : ил., цв. ил.; 20х22 см
  • Алексей Васильев (1907–1975). Живопись = Алехеи Василиэв (1907–1975). Пиcтурă : [альбом] / [текст Ярослав Васильев]. – Кишинёв : Универсул, 2018. – 80 с. : ил.; 25 см; ИСБН 978-9975-47-173-2
"https://new.ziyosfera.uz/ziyo/Aleksey_Vasilyev" dan olindi