Ziyosfera

Aleksey Xotin

Aleksey Yuriyevich Xotin (21-may 1974-yil, Minsk) — rossiyalik tadbirkor, moliyaviy tashkilotlar, koʻchmas mulk va neft-gaz kompaniyalari aktsiyalari egasi. 2016-yilda Forbes jurnali reytingiga koʻra, Rossiyaning 100 ta eng boy odamlari reytingida 95-oʻrinni egallagan.

Aleksey Yuriyevich Xotin
Tavallud joyi Minsk, Belorus SSR, SSSR
Ahvoli $900 mln (2016)[1]
Maʼlumoti Minsk suvovor harbiy bilim yurti, Plexanov nomidagi Rossiya iqtisodiyot universiteti

Biografiya

Aleksey Xotin 1974-yil 21-mayda Minsk shahrida (Belarus SSR) tugʻilgan. 1991-yilda Minsk Suvorov harbiy bilim yurtini, 1997-yilda G. V. Plexanov nomidagi Rossiya iqtisodiyot universitetini tamomlagan.

Aleksey Xotin oʻz biznesini otasi Yuriy Xotin bilan birgalikda yuritadi. Aleksey Xotin uylangan va ikki farzandi bor[2].

Aleksey Xotin suzish boʻyicha sport ustasi unvoniga ega. U xalqaro sambo federatsiyasi, Butunrossiya amaliy oʻq otish federatsiyasi, „Dinamo“ mini-futbol klubi va tungi xokkey ligasi kabi bir qancha sport tashkilotlariga homiylik qiladi[3].

Xotinlarning oilaviy biznesi boʻyicha tadqiqot olib borgan "Vedomosti" gazetasining taʼkidlashicha, Xotinlar oilasi biznesining muvaffaqiyatiga ularning Rossiya hukumatining yuqori darajadagi koʻplab amaldorlari bilan oʻzaro aloqalari juda katta yordam bergan. Gazeta, shuningdek, Xotinlarning biznesi asosan kredit pullariga tayanishini va Xotinlar oilasi aʼzolari matbuot bilan aloqa qilishdan bosh tortishini koʻrsatadi[4].

Aktivlar

„Moskva“ mehmonxonasi, Xotinlarga tegishli eng mashhur koʻchmas mulk ob’ektlaridan biri
„Gorbushkin Dvor“ savdo markazi

Xotin va uning otasi, matbuot xabarlariga koʻra, Moskvada umumiy maydoni 1,8 million m2 [5] boʻlgan 30 ga yaqin savdo va ofis markazlariga ega boʻlib, bularga, Manejnaya maydonidagi Moskva mehmonxonasi, Bagrationovskaya metro bekati yaqinidagi „Filion“ savdo markazi, Gorbushkin Dvor savdo markazini[6][7] kiradi.

2013-yilda Xotin va uning otasi Forbes jurnalining „Rossiya koʻchmas mulki qirollari“ reytingida 6-oʻrinni egallagan[5]. 2018-yil oxirida Xotinlar oilasiga tegishli „Kompleksniye investitsii“ kompaniyasi chakana savdo va ofis maydonlarini ijaraga berishdan yiliga 285 million dollar daromad oladi[8] va „Rossiya koʻchmas mulki qirollari“ reytingida toʻqqizinchi oʻrinni egallaydi.

1996-yildan beri Xotin boshqaruvi ostida harbiy texnika, kimyoviy xom ashyo, xalq isteʼmoli mollari va oziq-ovqat mahsulotlari ishlab chiqaruvchi bir qancha sanoat korxonalari faoliyat koʻrsatmoqda.

2001-yildan to 2003-yilgacha Xotin Moskva kimyoviy kompleks tashkilotlari assotsiatsiyasi vitse-prezidenti lavozimida ishlagan[3].

Forbes maʼlumotlariga koʻra, 2010-yillarda Xotin kamida 10 ta neft kompaniyasini sotib olgan, ular 2016-yilda taxminan 2,5 million tonna neft ishlab chiqargan[9]. 2011-yilda Xotin Exillon Energy[en] kompaniyasining katta ulushini sotib oladi. Shuningdek, „Dulisma“ neft kompaniyasi[10] va „Kuwait Energy“ kompaniyasining ulushiga ham ega.

Xotin Kipr-Shveytsariyaning Radamant Financial firmasi[11] orqali „Yugra“ bankining yarmidan koʻproq qismiga egalik qilgan. 2017-yilda RF Markaziy banki bankning litsenziyasini bekor qiladi. Keyinchalik, Omonatlarni sugʻurtalash agentligi bank tomonidan berilgan barcha kreditlarning 98% (taxminan 240 milliard rubl) uning egasi Aleksey Xotinning koʻchmas mulk va neft ishlab chiqarishdagi biznesini moliyalashtirish uchun ishlatilganligini taʼkidlaydi[12]. Bank litsenziyasi bekor qilinganidan soʻng, tadbirkor bilan aloqador boʻlgan qarzdorlar oʻz kreditlarini toʻlashni toʻxtatadilar va natijada 2019-yil aprel holatiga koʻra, umumiy qarzning 99,9 foiziga xizmat koʻrsatilmaydi[13].

2019-yil aprel oyida „Yugra“ banki „Dulisma“ neft kompaniyasini bankrot deb topish uchun sudga daʼvo arizasi beradi[14].

Jinoiy ish

2019-yil 19-aprelda Xotin FSB va Rossiya Ichki ishlar vazirligi xodimlari tomonidan „Yugra“ bankidan 7,5 milliard rubl miqdoridagi pul mablagʻlarini oʻgʻirlash boʻyicha jinoiy tergov ishi doirasida qoʻlga olinadi[15]. Tadbirkor bank boshqaruvi raisi Dmitriy Shilyayev va kredit tashkiloti prezidenti Aleksey Nefedov[16] bilan birga uy qamogʻiga olinadi.

Sud hukmi

2024-yil 4-martda Moskvaning Zamoskvoretskiy sudi Aleksey Xotinni 23 milliard rubldan ortiq mablag‘ni o‘zlashtirganlikda ayblab, 9 yilga ozodlikdan mahrum qildi va u jazoni umumiy rejimdagi koloniyada oʻtashi belgilandi[17][18].

Manbalar

  1. ↑ „Aleksey Xotin | Forbes.ru“. 2017-yil 26-yanvarda asl nusxadan arxivlangan. Qaraldi: 2017-yil 23-yanvar.
  2. ↑ „Aleksey Xotin biografiya i karьera v Yugra, poslednie novosti i foto.“. finparty.ru. 2017-yil 29-iyunda asl nusxadan arxivlangan. Qaraldi: 2017-yil 6-iyul.
  3. ↑ 3,0 3,1 „Xotin Aleksey Yurьevich biografiya i press-portret“. 2017-yil 2-fevralda asl nusxadan arxivlangan. Qaraldi: 2017-yil 23-yanvar.
  4. ↑ „Otkuda beret denьgi semьya Xotinыx — VEDOMOSTI“. 2021-yil 3-martda asl nusxadan arxivlangan. Qaraldi: 2017-yil 23-yanvar.
  5. ↑ 5,0 5,1 „Koroli rossiyskoy nedvijimosti — 2013: reyting Forbes. 6. «Kompleksnыe investitsii» | Reytingi | Forbes.ru“. 2018-yil 8-oktyabrda asl nusxadan arxivlangan. Qaraldi: 2018-yil 8-oktyabr.
  6. ↑ „Vladelьtsem «Gorbushkinogo dvora» okazalsya neftyanik Podlisetskiy: Biznes: Biznes: Lenta.ru“. 2017-yil 1-mayda asl nusxadan arxivlangan. Qaraldi: 2017-yil 4-may.
  7. ↑ „Neftь v obmen na metrы“. 2018-yil 3-fevralda asl nusxadan arxivlangan. Qaraldi: 2017-yil 4-may.
  8. ↑ „Koroli rossiyskoy nedvijimosti — 2019. Reyting Forbes. 9. Kompleksnыe investitsii | Biznes“ (en). Forbes.ru (2019-yil 24-yanvar). 2019-yil 25-yanvarda asl nusxadan arxivlangan. Qaraldi: 2019-yil 24-yanvar.
  9. ↑ „Imperiya Xotina: biznesmen vlojil v neftyanыe aktivы bolьshe 15 mlrd | Biznes | Forbes.ru“. 2017-yil 2-fevralda asl nusxadan arxivlangan. Qaraldi: 2017-yil 23-yanvar.
  10. ↑ „Neftyanoy biznes semьi Xotinыx poluchil lьgotы na 92 mlrd rub. :: Biznes :: RBK“. 2017-yil 2-fevralda asl nusxadan arxivlangan. Qaraldi: 2017-yil 23-yanvar.
  11. ↑ „Vladelets «Gorbushkinogo dvora» stal aktsionerom banka «Yugra» :: Finansы :: RBK“. 2016-yil 22-dekabrda asl nusxadan arxivlangan. Qaraldi: 2017-yil 23-yanvar.
  12. ↑ „ASV sochlo bespretsedentnыm kachestvo organizatsii vыvoda aktivov iz «Yugrы»“. Banki.ru. 2020-yil 18-mayda asl nusxadan arxivlangan. Qaraldi: 2019-yil 17-may.
  13. ↑ Kreditorы ne podelili «Yugru» // Kommersantʼ. Arxivirovano 18 may 2019 goda.
  14. ↑ „Bank "Yugra" v denь otpravki pod domashniy arest Xotina reshil obankrotitь ego NK "Dulisьma"“ (ru). Interfax-Russia.ru (2019-yil 22-aprel). Qaraldi: 2019-yil 17-may.
  15. ↑ Vedomosti. „Zaderjan bыvshiy sobstvennik «Yugrы» Aleksey Xotin“. www.vedomosti.ru (2019-yil 19-aprel). 2019-yil 19-aprelda asl nusxadan arxivlangan. Qaraldi: 2019-yil 19-aprel.
  16. ↑ „Bыvshie predpravleniya i prezident banka "Yugra" zaklyuchenы pod domashniy arest“. Interfaks (2019-yil 22-aprel). 2019-yil 17-mayda asl nusxadan arxivlangan. Qaraldi: 2019-yil 17-may.
  17. ↑ „Sud v Moskve prigovoril eks-vladelьtsa lopnuvshego banka "Yugra" Xotina k 9 godam kolonii“.
  18. ↑  RIA Novosti xabari(rus.) Telegram mesenjerida 
"https://new.ziyosfera.uz/ziyo/Aleksey_Xotin" dan olindi