Alfred Schmidt

Алфред Счмидт
Шахсий маълумотлари
Жинси	эркак
Фуқаролиги	Россия империяси Россия империяси Эстония СССР
Таваллуд санаси	1-май 1898-йил; Риисипере, Ҳаржу
Вафот санаси	5-ноябр 1972-йил; (74 ёшда); Таллин, Эстония ССР, СССР
Спорт
Мамлакат	Эстония
Қайси спорт	оғир атлетика

Алфред Счмидт (талаффузи: Алфред Шмидт, 1936-йилда ўз исмини Аин Силлакга^[1] ўзгартирган; 1-май 1898-йил, Риисипере, Ҳаржу – 5-ноябр 1972-йил, Таллин) – эстониялик оғир атлетикачи, Антверпендаги Олимпия ўйинлари совриндори (1920).

Биографияси

Алфред 1898-йил 1-майда Россия империясининг Ҳагери посёлкаси яқинидаги Маидла қишлоғида туғилган. Таллиндаги мактабда таҳсил олган^[2].

Фаолияти

1913-йилдан енгил атлетика билан шуғулланган. 1916 ва 1917-йилларда Артур Кукк томонидан уюштирилган мусобақаларда қатнашди^[2], аммо кучли натижа кўрсата олмайди ва Кукк Алфредга ўз кучини бошқа спорт турларида ҳам синаб кўришни таклиф қилади^[1]. 1919-йилдан бошлаб оғир атлетика билан шуғулланади. Унинг устози спортчи Алфред Неуланд бўлган. Машҳур эстониялик оғир атлетикачи билан бирга Алфред 1920-йилгача Тондадаги ҳарбий спорт лагерида машқ қилади^[2]. 1920-йилда Антверпендаги Олимпия ўйинларида Эстония номидан қатнашиб, триатлонда (55 кг + 65 кг + 90 кг) 60 килограммгача бўлган вазн тоифасида 210 килограмм натижа билан кумуш медални қўлга киритган^[2]. 1922-йилда Эстония чемпиони, 1923-йилда Болтиқбўйи чемпионатида бронза медали соҳиби бўлган. Фаолияти тугатишидан олдин 1922-йилда Таллинда бўлиб ўтган жаҳон чемпионати ташкилотчиларининг таркибида бўлган^[2]. Кейинчалик спортнинг стендда отиш турига қизиқиб, ушбу спорт турида ҳакам бўлад^[2]. 1936-йилда исмини Айн Силлакга ўзгартиради^[2]. Иккинчи жаҳон урушидан кейин спортчи мамлакатда бирорта оғир атлетика бўйича мусобақа ўтказилмагани учун оз муддат курашда ҳакам бўлиб ишлаган. Биринчи рафиқаси Леонтине Луук вафотидан кейин Алфред 1925-йилда Маргаретага Реисман билан турмушга қуради. Уларнинг фарзандлари бўлмаган. 1972-йил 5-ноябрда Таллинда вафот этган. Раҳумäэ қабристонига дафн қилинган^[2].

Хотира

2018-йилда Алфред Счмидт шарафига унинг туғилиб ўсган Маидла қишлоғида ёдгорлик очилади^[2].

Манбалар

↑ ^1,0 ^1,1 „Сауэ Валдур : Сауэ валла ҳääлеканджа, мис киржутаб кõигест тäҳцаст жа торедаст 25 жууни 2018“ (эт). ДИГАР Ээсти артиклид. 2022-йил 23-майда асл нусхадан архивланган. Қаралди: 2022-йил 23-май.
↑ ^2,0 ^2,1 ^2,2 ^2,3 ^2,4 ^2,5 ^2,6 ^2,7 ^2,8 „Аин Силлак“ (эт). ЭСБЛ. 2022-йил 29-мартда асл нусхадан архивланган. Қаралди: 2022-йил 23-май.

[:0-1] 1,0 ^1,1 „Сауэ Валдур : Сауэ валла ҳääлеканджа, мис киржутаб кõигест тäҳцаст жа торедаст 25 жууни 2018“ (эт). ДИГАР Ээсти артиклид. 2022-йил 23-майда асл нусхадан архивланган. Қаралди: 2022-йил 23-май.

[:1-2] 2,0 ^2,1 ^2,2 ^2,3 ^2,4 ^2,5 ^2,6 ^2,7 ^2,8 „Аин Силлак“ (эт). ЭСБЛ. 2022-йил 29-мартда асл нусхадан архивланган. Қаралди: 2022-йил 23-май.

[1]

[2]