Alimbay Amanbayev
Алимбай Аманбаев (23-октябр 1922-йил, Ташауз вилояти – 1-январ 1990-йил) – Қизил Армия сержанти, Улуғ Ватан уруши қатнашчиси, „Шон-шараф“ ордени соҳиби.
| Алимбай Аманбаев | |
|---|---|
| Таваллуди |
1922-йил 22-октябр Ташауз вилояти |
| Вафоти |
1-январ 1990-йил (67 ёшда) Нукус |
| Касби | Ҳарбий амалдор |
Биографияси
1922-йил 23-октябрда Урганч (Хоразм ССР)да ишчи оиласида туғилган. Миллати қозоқ. Ўрта мактабнинг 10-синфини (бошқа маълумотларга кўра, 8-синф) тугатиб, „Искра“ колхозига хронометр бўлиб ишга кирган[1].
1941-йил декабрда Қизил Армия сафига чақирилган. 1941-йил декабридан 1942-йил апрелигача Чарджоудаги 3-отлиқ миллий туркман дивизияси қошидаги мактабда ўқиган. У 1942-йил апрел ойида фронтга етиб келган. 1943-йил сентябр ойида Новочеркасскдаги полк артиллерия мактабини тугатган. У 101-гвардия артиллерия-танкга қарши полкида (РГКнинг 15-алоҳида танкга қарши артиллерия бригадаси) хизмат қилган.
1944-йил 10-октябрдан 15-октябргача Лесне-Хилиний (Полша) қишлоғи яқинидаги жангларда ўқчи Алимбай Аманбоев душманнинг иккита пулемётини йўқ қилган ва иккита душман танкига зарар етказган. 1944-йил 23-ноябрда 3-даражали „Шон-шараф“ ордени билан тақдирланган.
1945-йил 26-январда Вартенбург яқинида душманнинг қарши ҳужумини қайтариш чоғида ўқотар экипаж командири бўлган Алимбай Аманбоев душман танкини ва душман аскарлари отрядини йўқ қилган. Шунингдек, у душманнинг олтита пулемёт нуқтасини йўқ қилишга муваффақ бўлган. Ўша йилнинг 2-февралида душман танки полкини йўқ қилишга муваффақ бўлган. 1945-йил 16-апрелда 2-даражали „Шон-шараф“ ордени билан тақдирланган[2].
1945-йил 20-апрелда Грейфенҳаген (ҳозирги Полша) яқинидаги жангда Аманбоев қўмондонлигидаги экипаж душманнинг иккита пулемётини шикастлаб, 15 га яқин душман аскарини йўқ қилишган, бу Одернинг чап қирғоғидаги позицияларни мустаҳкамлашда муҳим рол ўйнаган. Эртаси куни, Одернинг чап қирғоғидаги кўприкни кенгайтириш бўйича олиб борилган жангларда Аманбоев экипажи аскарлари бир взвод душман аскарларини ва учта пулемётни йўқ қилишган. 1945-йил 24-апрелда Алимбай Аманбоев экипажи ўндан ортиқ аскар ва учта душман пулемётини йўқ қилган. 1945-йил 2-июнда яна 2-даражали „Шон-шараф“ ордени билан тақдирланган. 1945-йил 7-июнда у 1-даражали Шон-шараф ордени билан тақдирланган. 1945-йилда Бутуниттифоқ Коммунистик партиясига (болшевиклар) (1952-йилдан – КПСС) аъзо бўлган. 1946-йил декабрда демобилизация қилинган. 1947-йилда захирадаги сержант унвонини олгана. Демобилизациядан сўнг Нукус (Қорақалпоғистон АССР) шаҳрида истиқомат қилган. Механизациялашган ишлар бошқармасида механик бўлиб ишлаган. 1948—1952-йилларда Ички ишлар вазирлигида ишлаган ва кичик лейтенант унвонини олган. 1952-йилда механизациялашган ишлар бўлимига қайтган.
1990-йил 3-ноябрда вафот этган.