Alkid smolalar

Алкид смолалар, полиэфир смолалар — кўп атомли спиртларнинг кўп асосли кислоталар билан поликонденсатланишидан ҳосил бўладиган полимерлар. Алкид смолалар жумласига глифтал смолалар (фтал ангидрид билан глицерин асосида олинади) ва пентафтал смолалар (фтал ангидрид билан пентаэритрит асосида олинади) киради. Алкид смолалар металларни сирлашда ва электр токини ўтказмайдиган материаллар ишлаб чиқаришда лок ўрнида ишлатилади.

Адабиётлар

• ЎзМЕ. Биринчи жилд. Тошкент, 2000-йил