Alveolalar

Алвеолалар (лотинча: алвеолус — ўйиқ, пуфакча, халтача):

1) оддий ва мураккаб безларнинг шира (секрет) ажратувчи пуфакчалари — алвеоляр безларнинг охирги қисмлари. Безлардаги Алвеолаларда ширалар йиғилганда бакалга ўхшаса, ширалари чиққандан сўнг найсимон шаклда бўлади. Ўпка бронхларининг охирги қисми ҳам Алвеолалар деб аталади. Улар нафас олганда кенгайиб, нафас чиқарганда торайиб ҳаво алмашинувини таъминлайди. Бронх Алвеолаларлари пуфакчага ўхшаб, деворлари эпителий ҳужайраларидан иборат. Алвеолаларни ташқи томондан ўраб олган қилсимон қон томирлар нафас олганда кислородни сўради. Нафас чиқарганда ишланган газ аксинча Алвеолаларга ўтади;

2) жағ суякларининг тишлар жойлашадиган ўйиқчаси.

Адабиётлар

• ЎзМЕ. Биринчи жилд. Тошкент, 2000-йил