Alyaskit
Alyaskit – intruziv nordon togʻ jinsi; tarkibida 5% gacha rangli minerallar boʻlgan granit. Magmatik, baʼzan metasomatik yoʻl bilan kelib chiqqan. Tarkibi kvars (30-35%), kaliyli dala shpati (30-50%) va albit (20% gacha)dan iborat. Kristall donador, kamdan-kam porfir tuzilishli. Rangi qizil, pushti, oq, och kulrang. Dastlab Alyaska yarim orolda topilgan (nomi shundan). Alyaskitni kamyob va siyrak yer elementlari konlari bilan bogʻlaydilar. Alyaskit Oʻrta Osiyo, Kavkaz va Baykal ortida topilgan. Qurilishda qoplama bezaktosh sifatida ishlatiladi.
Adabiyotlar
- OʻzME. Birinchi jild. Toshkent, 2000-yil
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Ushbu maqola çaladir. Siz uni boyitib, ZiyoSferaga yordam berişingiz mumkin. Bu andozani aniqrogʻiga almashtirish kerak. |