Amyobiaz

Амёбиаз, амёба дизентерияси — йўғон ичакнинг ярали яллиғланиши билан кечадиган протозой касаллик, ичбуруғнинг бир тури. Дизентерия амёбаси қўзғатади. Касалликда беморнинг тинкаси қуриб, иштаҳаси йўқолади, қорни оғриб, ичи кетади (бир кеча-кундузда 5-20 ва ундан кўп), суюқ нажасда шиллиқ моддалар ва қон бўлади. Баъзан ҳарорат кўтарилади (39-40°), заҳарланиш аломатлари (кўнгил айниши, қусиш), жигар ва бошқа аъзоларда абссесс рўй беради. Даво чоралари кўрилмаса ёки билар-билмас даво қилинса, касаллик сурункали шаклга ўтади. Амёбиаз билан оғриган бемор касалхонада даволанади. Меъда-ичак фаолияти бузилганда дарҳол врачга мурожаат этиш лозим.

Адабиётлар

• ЎзМЕ.

Биринчи жилд. Тошкент, 2000-йил