An-Notiliy
An-Natiliy Abu Abdulloh Husayn ibn Ibrohim ibn Hasan ibn Xurshid at-Tabariy an-Natiliy (forscha: ابوعبدالله حسین بن حسن بن خُرشید طبری ناتلی | Lotin yozuviga koʻchirish: Abū ʿAbdallāh Ḥusayn ibn Ibrāhīm ibn Khūrshīd aṭ-Ṭabarī an-Nātllī), Tabaristonlik fors tabibi edi.
U mashhur qomusiy olim Ibn Sinoning ustozi sifatida tanilgan. Keyinchalik Ibn Sino Natiliyning taʼsirini sezilarli darajada kam boʻlganligini aytgan, biroq u bilan olib borgan taʼlim jarayonida tibbiyotga qiziqishi uygʻonganini tan olgan[1]. Ibn Sino oʻz zamondoshlarining aksariyatiga, jumladan Abu Rayhon Beruniy, Abul Faraj al-Isfahoniy va boshqalarga[2] nisbatan ham asosan tanqidiy munosabatda boʻlganini inobatga olsak, bu holat Natiliy qanday hurmatga sazovor boʻlganidan dalolat beradi.
U X asrda yashab ijod qilgan va yunon tilidan arab tiliga tarjimalar qillgan. U 990–991-yillarda Dioskoridning De Materia Medica asarining takomillashtirilgan tarjimasini shahzoda Abu Ali as-Samjuriyga bagʻishlagan. Keyinchalik Ibn Sino uning katta qismlarini oʻzining oʻrta asr tibbiyotining asrlar davomida nufuzli manbasi boʻlib kelgan Al-Qonun fit-tibb („Tib qonunlari“) asarining toʻrtinchi kitobiga kiritgan[3].
Manbalar
- ↑ Starr, S. Frederick. Lost Enlightenment: Central Asiaʼs Golden Age from the Arab Conquest to Tamerlane, page 256
- ↑ Starr, S. Frederick. Lost Enlightenment: Central Asiaʼs Golden Age from the Arab Conquest to Tamerlane, pages 258-265
- ↑ Starr, S. Frederick. Lost Enlightenment: Central Asiaʼs Golden Age from the Arab Conquest to Tamerlane, pages 256-258