Anaerob infeksiya

Анаэроб инфексия (газли инфексия, газли флегмона, хавфли шиш) — жароҳатларнинг фақат кислородсиз муҳитда кўпаядиган касаллик қўзғатувчи микроблар — анаэроблар билан зарарланиши; кўпинча жароҳатларга (асосан оёқ ва думбадаги) тупроқ туши-шидан пайдо бўлади, чунки тупроқда деярли ҳар доим Анаэроб инфексия қўзғатувчилари сақланади. Мажақланган ёки эзилган тўқималар кўпроқ зарарланади, чунки қон томирларга шикает етиши сабабли жароҳатланган жойга кислородга тўйинган қон (артериал қон) келиши тўхтаб қолади. Анаэроб инфексияда юмшоқ тўқималар тез шишиб, унда газ пуфакчалари ҳосил бўлади, кейинчалик тўқималар ўлади (қаранг Гангрена). Анаэробнинг дастлабки белгилари: жароҳат оғрийди, тўқималар кўпчиб ке-таётгандек туюлади, шиш келади, 1 — 2 кундан кейин гавда температураси кўтарилади. Анаэроб инфексия жуда хавфли, шунинг учун беморни дарҳол касалхонага ётқизиш керак.

Адабиётлар

• ЎзМЕ. Биринчи жилд. Тошкент, 2000-йил