Andaza

Андаза (форс. — ўлчов, қолип) — намуна, нусха. Қоғоз, картон ва ҳоказодан махсус тайёрланади. Матодан кийим, чармдан поябзал бичиш каби ишларда шакл кўчириш учун ишлатилади. Андазанинг турлари кўп. Чунончи: а) либосда олд Андаза, орқа Андаза, енг Андаза, ёқа Андаза, кўкрак Андаза; 6) поябзалда қўнж Андаза, соғ Андаза, бетлик (бош) Андаза, гулчин Андаза, тагчарм Андаза, пошна Андаза ва ҳоказо Андаза олиш, тайёрлаш ёки Андазалаш — кийим бичиладиган газламанинг устига Андаза шаклини тушириш; Андаза қирқиш — белгиланган чизиқлар устидан қайчи билан қирқиш. Каштачиликда қоғоз ёки картондан чизмакаш, рассом чизган нақшга мувофиқ қирқиб тайёрланган гул ҳам Андаза деб аталади.

Адабиётлар

• ЎзМЕ. Биринчи жилд. Тошкент, 2000-йил