Ziyosfera

Andoza:Shaxs

Андоза:Биографияси

Аброр Туробович Жўраев (1979-йил 21-сентабр, Бухоро) — ўзбек иқтисодчиси ва педагоги. Иқтисодиёт фанлари номзоди (ПҳД), «Жаҳон иқтисодиёти» ихтисослиги бўйича профессор (2026).[1] 2019-йилдан Бухоро давлат университетининг халқаро ҳамкорлик бўйича проректори, шунингдек «Маркетинг ва менежмент» кафедраси профессори.[2] Илмий қизиқишлари жаҳон иқтисодиёти, халқаро иқтисодий муносабатлар, туризм ва олий таълимни халқаролаштириш масалаларига қаратилган.

Ҳаёти ва таълими

Аброр Жўраев 1979-йил 21-сентабрда Бухоро шаҳрида туғилган. 1996–2000-йилларда Бухоро давлат университетида иқтисодиёт мутахассислиги бўйича таҳсил олиб, бакалавр даражасини олган. 2000–2002-йилларда шу университет магистратурасида макроиқтисодиёт мутахассислиги бўйича ўқиб, магистр даражасига эга бўлган. 2003–2006-йилларда университет аспирантурасида илмий изланишлар олиб борган.[2]

Меҳнат фаолияти

Меҳнат фаолиятини 2000–2002-йилларда Бухоро давлат университети ҳузуридаги академик лицейда ўқитувчи сифатида бошлаган. Кейинчалик университетнинг турли лавозимларида ишлаган: ташқи алоқалар бўлими бошлиғи (2007–2012), «Иқтисодий таълим ва туризм» кафедраси ўқитувчиси, доценти ва мудири (2012), Ижтимоий-иқтисодий факултет декани (2013–2014), халқаро бўлим бошлиғи (2014–2017) ҳамда Туризм факултети декани (2017–2019).[2] 2019-йилдан Бухоро давлат университетининг халқаро ҳамкорлик бўйича проректори лавозимида фаолият юритади. Шу билан бирга «Маркетинг ва менежмент» кафедраси профессори сифатида педагогик фаолият олиб боради.

Илмий даражаси ва унвонлари

2010-йилда иқтисодиёт фанлари номзоди (фалсафа доктори, ПҳД) илмий даражасига эга бўлган. 2022-йилда «Жаҳон иқтисодиёти» ихтисослиги бўйича доцент, 2026-йилда эса Ўзбекистон Республикаси Олий аттестация комиссияси томонидан шу ихтисослик бўйича профессор илмий унвонига сазовор бўлган.[1]

Халқаро фаолияти ва грантлар

Илмий ва касбий малакасини бир неча бор хорижда оширган. 2024-йилда Словакия академик ахборот агентлиги (САИА) стипендияси доирасида Братисладаги Комениус университетида «олий таълимда халқаролашув» мавзусида етти ойлик илмий стажировкани ўтаган.[3] 2025-йилда АҚШ Давлат департаментининг «Интернатионал Виситор Леадершип Програм (ИВЛП)» дастури доирасидаги малака ошириш курсида иштирок этган.[4] Эрасмус+ дастури доирасидаги ЭСГCА халқаро лойиҳасида (Генуя университети, Италия мувофиқлаштируви) Бухоро давлат университети томонидан мувофиқлаштирувчи сифатида фаолият юритади.

Илмий фаолияти

Илмий қизиқишлари иқтисодиёт, халқаро иқтисодиёт, туризм, олий таълим ва тараққиёт иқтисодиёти йўналишларини қамраб олади. Жаҳон иқтисодиёти, халқаро иқтисодий муносабатлар ва туризм соҳаларида 80 дан ортиқ илмий иш эълон қилган. Гоогле Счолар маълумотларига кўра (2025-йил ҳолатига), асарларига жами 76 марта иқтибос қилинган; ҳ-индекс — 3, и10-индекс — 2.[5] Сcопус тизимида муаллиф сифатида рўйхатдан ўтган (ОРCИД: 0000-0002-4108-3274).[6]

Асосий асарлари

  • Жаҳон иқтисодиёти ва халқаро иқтисодий муносабатлар: дарслик. — Бухоро, 2025.
  • Менеджмент в туризме: ўқув қўлланма (ҳаммуаллифликда). 2-нашр. — Москва: ИНФРА-М, 2025. — 207 б. — ИСБН 978-5-16-019645-9.
  • Меҳмонхоналарда тадбирларни ташкил этиш: ўқув қўлланма (Н. Омонова билан). — Бухоро, 2026.
  • Монография. — Бухоро: «Дурдона», 2021. — 240 б.
  • «Университй репутатион, суппорт, анд сеcуритй…» // Фронтиэрс ин Сустаинабле Тоурисм. — 2025.
  • «Оператионализинг ЭСГ ин ҳигҳер эдуcатион…» // Фронтиэрс ин Сустаинабилитй. — 2026.
  • «Травел анд Эарн Тогетҳер ин Узбекистан» дастурий маҳсулоти (№ ДГУ 07609, 2020) — муаллифлардан бири.

Мукофотлари

  • 2005-йил — «Ўзбекистон белгиси» кўкрак нишони.[2]

Манбалар

  1. ↑ 1,0 1,1 Ўзбекистон Республикаси Олий аттестация комиссияси. Профессор илмий унвони аттестати, 05 №006730, 2026-йил 10-апрел.
  2. ↑ 2,0 2,1 2,2 2,3 Бухоро давлат университети расмий ҳужжатлари ва маълумотнома (2026).
  3. ↑ Cонфирматион оф cомплетион оф Ресеарч Стай. Cомениус Университй ин Братислава, Фаcултй оф Соcиал анд Эcономиc Сcиэнcес, 2024.
  4. ↑ У.С. Департмент оф Стате, Буреау оф Эдуcатионал анд Cултурал Аффаирс. Интернатионал Виситор Леадершип Програм, 2025.
  5. ↑ Аброр Жураэв — Гоогле Счолар профили.
  6. ↑ Жураэв, Аброр — Сcопус муаллиф профили (ИД 60222350600). 
"https://new.ziyosfera.uz/ziyo/Andoza:Shaxs" dan olindi