Andrey Morozov

Андрей Морозов
Шахсий маълумот
Тўлиқ исми	Андрей Петрович Морозов
Таваллуд санаси	1979-йил 24-апрел (47 ёш)
Таваллуд жойи	Гомел вилояти, Беларус ССР
Бўйи	177 cм (5 фт 9 1⁄2 ин)
Амплуаси	Ярим ҳимоячи
Клуб маълумоти
Жорий клуб	Каттақўрғон (ёрдамчи мураббий)
Профессионал фаолияти*
Йиллар	Жамоа
1995	Злин
1996	Ведрич
1997—2000	Злин
2001—2003	Гомел
2004—2005	Кривбасс
2006	Локомотив (Витебск)
2006—2007	Дарида
2008	Савит
2009—2011	ДСК-Гомел
2011	→ Гранит (Микашевичи)
2014—2015	Заря (Стародуб) (ҳаваскорлар)
2016	Гомелжелдотранс
2011—2018	БCҲ (Гомел) (Футзал)
Бошқарган клублари
2017	Гомел (мураббий)
2023	Локомотив Гомел (ёрдамчи)
2023—2025	Локомотив Гомел
2026—	Каттақўрғон (ёрдамчи мураббий)
	*Профессионал клублардаги голлари (ички чемпионат)

Андрей Петрович Морозов (беларусча: Андрэй Пятровіч Марозаў; 1979-йил 24-апрелда Гомел вилоятининг Усохская Буда қишлоғида туғилган) – беларуслик футбол мураббийи ва собиқ футболчи. Футболчилик фаолияти давомида қанот ярим ҳимоячиси позициясида ўйнаган.

Футболчилик фаолияти

Андрей фаолиятини 1995-йилда Беларус иккинчи лигасининг „ЗЛИН“ (Гомел) клубида бошлаган. 1996-йилги мавсумда олий лига иштирокчиси бўлган „Ведрич“ жамоасига ўтган. Мавсум давомида 19 та ўйин ўтказган, аммо жамоа мавсум охирида олий лигадан тушиб кетган. 1997-йилги мавсум аввалида ЗЛИН жамоасига қайтган ва кейинги тўрт мавсумни иккинчи ва биринчи лигаларда ўтказган.

2001-йилда „Гомел“ клубига ўтган ва вақт ўтиши билан асосий таркиб футболчисига айланган. 2002-йилда ўз клуби билан Беларус кубогида ғолиб чиққан, 2003-йилда мамлакат чемпиони бўлган. УЭФА кубоги ўйинларида иштирок этган.

2004-йил бошида Украинанинг „Кривбасс“ жамоасига ўтган. Бир ярим мавсум давомида у Украина Премер-лигасида 35 та ўйин ўтказди ва 3 та гол урди. 2005-06-йилги мавсумнинг кузги қисмида ҳам „Кривбасс“ таркибида бошлаган, аммо ҳеч қачон майдонга тушмаган.

2006-йилда у ўз ватанига қайтиб, „Локомотив“ (Витебск) ва „Дарида“ клубларида, 2008-йилда эса Маҳилжоунинг „Савит“ жамоасида ўйнаган. 2009-йилда у „ДСК-Гомел“га ўтган. ДСК-Гомел жамоаси билан икки марта биринчи лиганинг бронза медали совриндори (2009, 2010) бўлган ва 2009/10-йилги Беларус кубогида ярим финалга чиққан. 2011-йилнинг баҳорида у биринчи лигада „Гранит“ (Микашевичи), кузда яна „ДСК-Гомел“ жамоасида ўйнаган.

Кейинчалик у Россиянинг ҳаваскорлар чемпионатида „Заря“ (Стародуб) жамоасида ўйнаган. 2016-йилда Гомелжеддортранс учун биринчи лигада бир нечта ўйин ўтказиб, профессионал футболга қайтган. Темирйўлчилар ўртасида жаҳон чемпиони (2015)^[1]. Шунингдек, фаолиятининг сўнгги йилларида у БCҲ Гомел футзал клубида ўйнаган.

Беларус олий лигасида жами 140 та ўйин ўтказиб, 15 та гол урган. Биринчи лигада эса 150 дан ортиқ ўйинда иштирок этган.

Мураббийлик фаолияти

„Гомел“да ёшлар жамоалари мураббийи бўлиб ишлаган. 2023-йилда Гомелнинг „Локомотив“ клуби мураббийлар штабига бош мураббий ёрдамчиси сифатида қўшилгган. 2023-йил август ойида у Гомелнинг „Локомотив“ клуби бош мураббийи вазифасини бажарувчи бўлган^[2].

Ютуқлар

Беларус чемпиони: 2003-йил
Беларус кубоги соҳиби: 2001/02

Манбалар

↑ Сборная Беларуси стала победителем футболного чемпионата УСИC в Сочи
↑ „В ближайшем матче первой лиги "Локомотивом" будет руководить Андрей Морозов“ (ру). фоотбалл.бй (2023-йил 2-август). 2023-йил 20-ноябрда асл нусхадан архивланган. Қаралди: 2023-йил 20-ноябр.

Ҳаволалар

[1] Сборная Беларуси стала победителем футболного чемпионата УСИC в Сочи

[2] „В ближайшем матче первой лиги "Локомотивом" будет руководить Андрей Морозов“ (ру). фоотбалл.бй (2023-йил 2-август). 2023-йил 20-ноябрда асл нусхадан архивланган. Қаралди: 2023-йил 20-ноябр.

[1]

[2]