Andrey Piontkovskiy
Андрей Андреевич Пионтковский (1898-1973) – совет ҳуқуқшуноси, жиноят ҳуқуқи ва криминология, ҳуқуқ фанлари фалсафаси ва методологияси соҳасидаги мутахассис, юридик фанлар доктори, профессор, СССР Фанлар академиясининг мухбир аъзоси (1968), РСФСРда хизмат кўрсатган фан арбоби. Халқаро жиноят ҳуқуқи ассоциацияси вице-президенти, Варшава университетининг фахрий доктори[1].
| Андрей Андреевич Пионтковский | |
|---|---|
| Таваллуди |
1898-йил Ярославл, Россия империяси |
| Вафоти |
1973-йил Москва, СССР |
| Фуқаролиги |
 Россия империяси Россия империяси →  СССР |
| Соҳаси | юрист |
| Таълими | Туркистон университети |
| Мукофотлари |
 |
Ҳаёти
Андрей Андреевич Пионтковский 1898-йил 8-августда Ярославлда туғилган. Машҳур рус ҳуқуқшунос олими Андрей Антонович Пионтковскийнинг ўғли. Акаси тарихчи Сергей Андреевич Пионтковский.
1918-йилда Қозон университетининг юридик факултетини тамомлаган.
1921-йилда Тошкентга кўчиб келган ва Туркистон университетида дарс берган[2]. Кейинчалик 1923-йилдан Москва университетида, 1931-йилдан Москва юридик институтида, 1950-йилдан Бутуниттифоқ криминалистика институтида, 1955-йилдан СССР Давлат ва ҳуқуқ институтида дарс берган. Совет жиноят ҳуқуқининг умумий ва махсус қисмлари бўйича дарсликлар муаллифи.
1946—1951-йилларда СССР Олий суди аъзоси бўлган.
1973-йил 9-ноябрда вафот этган. У Москвада Новодевичй қабристонининг колумбарийсига дафн қилинди.
Ўғли математик, сиёсацҳунос ва жамоат арбоби Андрей Андреевич Пионтковский (1940-йилда туғилган).
Асосий ишлар
Андрей Пионтковский „Кант, А.Феербах ва Фихтенинг жиноий-ҳуқуқий қарашлари“ (1940), „Гегелнинг ҳуқуқ ва давлат ҳақидаги таълимоти билан боғлиқ жиноят-ҳуқуқий назарияси“ (1948), „Совет жиноят ҳуқуқида жиноят тўғрисидаги таълимот“ (1961), „Гегелнинг ҳуқуқ ва давлат ҳақидаги таълимоти ва унинг жиноят ҳуқуқи назарияси. 2-қисм“ (1963), „Гегелнинг ҳуқуқ фалсафаси ва марксизм“ (1973-йил), „Кантнинг ҳуқуқ ва давлат назарияси. Кант фалсафаси ва замонавийлик“ (1974-йил) асарлари муаллифи ҳисобланади.
Адабиётлар
- Пионтковский Андрей Андреевич // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
Манбалар
- ↑ „Пионтковский Андрей Андреевич“. www.бигенc.ру. Қаралди: 30-ноябр 2023-йил.
- ↑ „ПИОНТКОВСКИЙ Андрей Андреевич“. www.изак.ру. Қаралди: 30-ноябр 2023-йил.