Andrey Vishinskiy

Андрей Януаревич Вишинский (1883.10.12, Одесса — 1954, Ню-Ёрк, АҚСҲ] — Совет Иттифоқи прокурор ўринбосари ва прокурори (1933—39). Академик. (1939). Вишинский асарларида баён этилган „ҳуқуқий“ қоидалар қонунчиликни қўпол равишда бузиш, оммавий қатағонларни амалга ошириш учун хизмат қилди. Жумладан, айбланувчининг ўз айбига ўзи иқрор бўлиши — асосий исбот-далилдир, деб қарашдан иборат ғайриқонуний усул кенг қўлланди. Вишинский 30-йилларда „Москва маркази“ (1935-йил январ), „Троцкийчи-зиновевчи террорчилик маркази“ (1936-йил август), „Шўроларга қарши троцкийчилар маркази“ (1937-йил январ) ва „Ўнг троцкийчи блок“ (1938-йил март) устидан (жумладан Акмал Икромов, Файзулла Хўжаев) сохта суд жараёнларида сталинча қатағон сиёсатини фаол амалга оширди.