Angor echkisi

Ангор эчкиси — эчкининг қимматли сержун зоти. Ангор эчкисининг ватани Туркманистоннинг ғарби. Туркманларнинг бир қисми ХИИИ асрда бу ердан Кичик Осиёга кўчиб борган ва натижада ҳозирги Туркиянинг Ангора (Анқара) вилояти Ангор эчкисини урчитиш марказига айланган. Бу зотнинг Ангор эчкиси деб аталиши ҳам шундан келиб чиққан. ХИХ асрдан АҚСҲ, Африкадаги айрим мамлакатлар, Австралияда боқилади. Ангор эчкисининг жуни майин, оқ, товланувчан, ғоят эгилувчан ва пишиқ (узунлиги 18-25 сантиметр). Такалари ўрта ҳисобда 50-55 килограмм келади, йилига 5-7 килограмм жун беради, урғочилари 32-36 килограммга боради, 3,1 килограмм жун беради. 65-70% тоза жун чиқади. Ҳар юз бош Ангор эчкисидан йилига 105 улоқ олинади. Соғин эчкидан 70-100 килограмм сут соғиб олиш мумкин, ёғлик даражаси 4,2-4,4%. Ўзбекистон (Поп тумани)га 1936-йилда АҚШнинг Техас ва Ню-Мексика штатларидан келтирилган Ангор эчкиси ни жайдари эчкилар билан чатиштириб сержун эчки зоти яратилди (1962). Ангор эчкиси Ўзбекистонда, асосан Наманган, Андижон вилоятларида боқилади.

Адабиётлар

• ЎзМЕ. Биринчи жилд. Тошкент, 2000-йил