Anker

Anker (nem. anker — yakor) — 1) soat mexanizmining yakor (vilka) koʻrinishidagi qismi. Soat mexanizmining bir meʼyorda yurishini taʼminlaydi. Ossillyator (mayatnik yoki balans) bilan ishga tushirish gʻildiragi orasidagi bogʻlovchi zveno. Ankerli soat, ankerli yurish soʻzlari ankerdan kelib chiqqan; 2) inshoot va mashinalar qismlarini mahkamlaydigan detal. Inshootlarda devor, poydevorlar, gumbazlarga qoʻyib ketiladi. „A“, atamasi „oraliq detal“ maʼnosida ham qoʻllanadi (ankerli plita, ankerli bogʻ va boshqalar).

Adabiyotlar

• OʻzME. Birinchi jild. Toshkent, 2000-yil