Ankilostoma

Ankilostoma (Ankylostoma) — juda kichkina (urgʻochisi 10-13 millimetr keladigan) qizgʻish gijja. Odam va sut emizuvchi hayvonlarning ingichka ichagida parazitlik qiladi. 2 turi odamning oʻn ikki barmoq ichagida yashaydi.Ankilostoma tuxumlari najas bilan tashqariga chiqadi qulay sharoitda (25° da) 1-2 sutkadayoq ular lichinkaga aylanadi. Haqiqiy Ankilostoma tuproqda hayot kechirib, ikki marta poʻst tashlagandan keyin yuqumli lichinka hosil boʻladi. Bu lichinkalar terini teshib, tana ichiga kiradi, ogʻiz orqali ham yuqishi mumkin.

Adabiyotlar

• OʻzME. Birinchi jild. Toshkent, 2000-yil