Ankona

Анкона – Италиянинг шарқий қисмидаги шаҳар. Анкона провинсиясининг ва Марке вилоятининг маъмурий маркази. Аҳолиси 103,5 минг киши (1990). Адриатика денгизидаги порт ва ҳарбий денгиз базаси. Машинасозлик, нефтни қайта ишлаш, озиқ-овқат ва енгил саноат корхоналари бор. Мусиқа асбоблари ва шиша буюмлар ишлаб чиқарилади. Фармацевтика саноати мавжуд. Четга олтингугурт ва асфалт чиқарилади. Балиқ овланади. Анконада тарихий ёдгорликлар кўп. Мармардан ишланган Траян зафар арки (115 йилдан кейин қурилган), ХИИ-ХИИИ асрларга оид собор, Миллий музей, расмлар галереяси бор. Балнеологик курорт.