Anna Astaxova
Анна Михайловна Астахова (22-июн (4-июл) 1886-йил, Кронштадт, Санкт-Петербург – 30-апрел 1971-йил, Ленинград) – совет филологи ва фолклоршуноси, Рус Шимоли фолклор тадқиқотчиси[1]. Филология фанлари доктори, профессор.
| Анна Астахова | |
|---|---|
| Таваллуди |
22-июн (4-июл) 1886-йил Кронштадт, Санкт-Петербург, Россия империяси |
| Вафоти |
30-апрел 1971-йил Ленинград, СССР, РСФСР |
| Фуқаролиги |
 Россия империяси Россия империяси  СССР |
| Касби | фолклоршунослик, тарихшунослик, ўқитувчи, олим, публицист |
| Соҳаси | фолклоршунослик |
| Илмий даражаси | фан доктори |
| Илмий унвони | профессор |
| Машҳур шогирдлари | Б. Ф. Егоров, Б. Н. Путилов |
| Мукофотлари |
 |
Биографияси
Анна Михайловна 1886-йил 22-июнда Кронштадтда ҳарбий денгизчи оиласида таваллуд топди. Олти ёшида онасидан айрилди, 1903-йилда отаси ҳам вафот этди. 17 ёшида ота-онасиз қолиб, дарс бера бошлади. Анна Муқаддас Екатерина орденининг Петербург мактабини имтиёзли диплом билан тамомлаб, 1903—1908-йилларда Санкт-Петербург аёллар педагогика институтининг оғзаки-тарихий бўлимида таҳсил олган.
Астахова Россия империясининг бир қатор шаҳарларидаги гимназияларда тарих ва адабиётдан: Лифланд губерниясининг Валка шаҳрида (1908—1909), Кавказдаги Тбилиси губерниясининг Тифлис шаҳрида (1909—1911), кейин Санкт-Петербург/Петроградда Тенишев мактабида (1912—1920) дарс берган.
Астахова 1921—1931-йилларда рус адабиёти ўқитувчиси, Давлат санъат тарихи институтида (ГИИИ) илмий ходим лавозимида ишлаб, таълим муассасининг олий курсларини тамомлаган. 1926-йилда Заонеже Давлат санъат ва маданият институтининг биринчи йирик кенг қамровли экспедициясида қатнашади. Экспедиция давомида деҳқонлар маданиятини кўриб чиққач, фолклоршунос бўлишга қатъий қарор қилган. Совет фолклоршунослиги тарихида муҳим аҳамиятга эга бўлган ГИИИИнинг кейинги учта экспедицияси Рус Шимолидаги дарё ҳавзаларининг кенг ҳудудларини қамраб олди: Пинега (1927), Мезен (1928), Печора (1929).
1931-йилда Давлат санъат тарихи институти Давлат санъацҳунослик академияси (ГАИС) қилиб қайта ташкил этилиб, ундан фолклоршунослик бўлими СССР халқларини ўрганиш институтига (ИПИН) ўтказилди. 1933-йилда ИПИН Антропология ва Этнография музейи (Кунсткамера) билан бирлаштирилиб, СССР Фанлар Академияси (ИАЭ) Антропология ва этнография институтини ташкил этади. Шунга кўра, бу даврда М. К. Азадовский (1888—1954) раҳбарлик қилган фолклор сексияси 1933-йилдан 1939-йилгача ушбу институтнинг таркибий бўлинмасида фаолият юритган. 1939-йилда Фолклор комиссияси (1937-йилдан номи) СССР Фанлар академиясининг Адабиёт институтига (Пушкин уйи) ўтказилди ва у ерда СССР халқлар фолклори бўлимига айланган.
Анна Михайловна 1930-йилларнинг бошларида Ленинград шаҳар қўшиқчиларининг ашулаларини ёзди. „Ленинградские уличние певци“ тўплами 1932-йилда деярли нашрга тайёрланди, аммо сензура туфайли чоп этилмайди. Пушкин уйининг фоно архивида ИПИН да қўшиқчилардан бирининг овози ёзилган роликлар, институтнинг қўлёзма бўлимида эса қўлёзма матни ва тузувчининг изоҳлари билан қоралама қўлёзма сақланади[2].
Анна 1939—1965-йилларда СССР Фанлар академиясининг Рус адабиёти институти илмий ходими, халқ ижодиёти бўлими котиби, фолклор қўлёзмалари омбори бошлиғи лавозимларида фаолият олиб борди. Астахова Улуғ Ватан уруши пайтида 1941/1942-йиллар қишидан омон қолган Ленинград қамалида қолди. 1942-йил июл ойида Пушкин уйининг омон қолган бошқа ходимлари билан бирга Қозонга эвакуация қилинди. 1944-йилда „Северний период в истории русской билини“ докторлик диссертациясини ҳимоя қилган. Унинг қўлёзмаси 1948-йилда қайта кўриб чиқилиб, „Русский билинний эпос на Севере“ монографияси шаклида нашр этилган[3]. 1949-йилда профессор даражасини олган.
Профессор Анна Михайловна Рус Шимолига бир қатор фолклор экспедицияларини уюштирди. Карелия, Пинега, Мезен, Печора, Поморие ва Сибирда, шунингдек, Москва ва Ленинград вилоятларида ўтказган экспедицияларида рус халқ оғзаки адабиётининг 10 мингдан ортиқ асарларини, биринчи навбатда, достонларни ёзиб олди ва кейинчалик тадқиқ қилди. Анна фолклорга оид 200 дан ортиқ асарлар муаллифи.
Достонларни ўрганишда 1920-йилларда „Поэтика и генезис билин“[4] асарида ифодаланган А. П. Скафтимовнинг тарихий ёндашувни танқид қилган ва бадиий ижоддан хабардор бўлишга чақирган нуқтаи назарини қўллаб-қувватлаган.
1956-йилдан (биринчи жилднинг нашр этилиши) умрининг охиригача кўп жилдли илмий нашр „Русский фолклор“ тўпламини (1-13 жилдлар) таҳрир қилди.
Анна Астахова 1971-йил 30-апрелда вафот этди ва Санкт-Петербургнинг Шимолий қабристонига дафн қилинган.
Мукофотлари
- „Ҳурмат Белгиси“ ордени
- „1941—1945-йиллардаги Улуғ Ватан урушидаги жасоратли меҳнати учун“ медали
- „Ленинград мудофааси учун“ медали
Яна қаранг
Манбалар
- ↑ „Астахова Анна“ (ру). Петрозаводск ГОВОРИТ | Газета „Петрозаводск“ онлине | Новости Петрозаводска и Карелии (2014-йил 11-май). Қаралди: 2024-йил 29-май.
- ↑ Н. Комелина, М. Луре, С. Подрезова. Песни уличного певса Владимира Егорова в фонографической записи А. М. Астаховой// Антропологический форум. 2013. № 19
- ↑ „Русский былинный эпос на Севере“. 2020-йил 31-мартда асл нусхадан архивланган. Қаралди: 2020-йил 23-май.
- ↑ Скафтимов А. П. Поэтика и генезис билин : очерки – Саратов ; Москва : Изд-во В. З. Яксанова, 1924. – 224 с.
Ҳаволалар
- Астахова Анна Михайловна | Маҳаллий этнографлар ва антропологлар. ХХ аср
- Астахова Анна Михайловна (1886-1971) | Россиянинг шимолий этнографияси ва фолклори
- Астахова Анна Михайловна | Ёзувчилар китоб дўкони
- Астахова Анна Михайловна (1886-1971), фолклоршунос, адабиёцҳунос (Ф. 724; 443 та) | Рус адабиёти институтининг электрон нашрлари (Пушкин уйи) РАС – Қўлёзмалар бўлимининг шахсий тўпламлари (Wайбаcк Мачине сайтида 2023-02-18 санасида архивланган)
- Астахова Анна Михайловна (1886-1971) – Шимолий қабристон | Санкт-Петербург ва унинг атрофидаги некропол