Antidetonatorlar

Антидетонаторлар — мотор ёнилғиларига уларнинг детонацияга қарши тургунлигини ошириш учун оз миқдорда (1% гача) қўшиладиган кимёвий бирикмалар. Энг самарали Антидетонаторларга қўрғошин тетраэтил Р (С2Н5)4, қўрғошин тетра-метил Р (СН3)4, марганес метилсиклопентадиенилтрикарбонил СН3С5Н4Мп(СО)3, темир пентакарбонил Фе(CО)5 ва бошқа киради. Булардан қурғошин тетраэтил кенг қўлланади, чунки бошқа Антидетонаторлар ишлатилганда карбюратор двигателларининг ёниш камераси деворларида кўп миқдорда қаттиқ қурумлар ҳосил бўлиб, унинг ишлашига салбий таъсир этади. Бу Антидетонаторлар таркибига „қўрғошинни бириктириб олувчилар“ (этилбромид, диброметан, дибромпропан) қўшилади. Улар қўрғошин билан учувчан бирикмалар ҳосил қилиб ёниш камерасидан осон чиқиб кетади. Таркибида қўрғошин тетраэтил бўлган мотор ёнилғилар этилланган мотор ёнилғилар деб аталади. Улар ўта заҳарли бўлганлиги учун ишлатаётганда жуда эҳтиёт бўлиш керак.

Адабиётлар

• ЎзМЕ. Биринчи жилд. Тошкент, 2000-йил