Antitireoid moddalar
Antitireoid moddalar (tireostatik preparatlar) — qalqonsimon bez faoliyatini susaytiradigan dorilar; asosan, shu bez faoliyati kuchayganda tavsiya etiladi. Antitireoid moddalar yodli birikmalarning oksidlanishini va tireoid gormonlar molekulasiga yod qoʻshilishini boshqaruvchi ferment tizimlari faoliyatini susaytirib, qalqonsimon bezda gormonlar biosintezini toʻxtatib qoʻyadi (blokada) va bu bezni kattalashtiradi. Sintetik yoʻl bilan olingan juda koʻp dorilar, asosan tiouratsil, tiomochevina hosilalari, paraaminosalitsilat kislota, sulfanilamid, tiotsianatlar va boshqa Antitireoid moddalarga kiradi. Baʼzi oʻsimliklar, masalan, karam, sholgom va boshqada ham antitireoid taʼsir koʻrsatadigan birikmalar kam miqdorda uchraydi. Sintetik Antitireoid moddalar tireotoksikozni davolashda keng qoʻllanadi.
Adabiyotlar
Birinchi jild. Toshkent, 2000-yil
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Ushbu maqola çaladir. Siz uni boyitib, ZiyoSferaga yordam berişingiz mumkin. Bu andozani aniqrogʻiga almashtirish kerak. |