Ziyosfera

Apelsin sharbati

Стаканда апелсин шарбати
Қизил апелсин шарбати

Апелсин шарбати апелсин этидан олинган маҳсулотдир. „Янги сиқилган (табиий) апелсин шарбати“, „тўғридан-тўғри сиқилган апелсин шарбати“ ва „қайта тикланган апелсин шарбати“ турлари билан фарқланади.

Ишлаб чиқарилиши

"Қайта тикланган апелсин шарбати" атамаси консентратланган шарбатдан тайёрланган маҳсулотга нисбатан қўлланади. Агар шарбат фақат пастеризация қилинса ва истеъмолчига консентратни олиш ва суюлтириш босқичларисиз етказиб берилса, у қадоқда (Канада, Исроил ва Америкада) „Нот фром Cонcентрате“/"НфC" („консентратдан эмас“) деб белги қўйилади[1]. Саноатда ишлаб чиқарилган ва сотиладиган барча апелсин шарбатлари (янги сиқилган шарбатлар бундан мустасно) консерваланган. Шу билан бирга, консервалаш учун маҳсулот иссиқлик билан ишлов бериш — пастеризациядан ўтказилади.

Янги сиқилган апелсин шарбатлари пастеризация қилинмайди ва шунинг учун сақлаш муддати анча қисқароқ. Янги сиқилган апелсин шарбатлари консентратланган шарбатлардан тайёрланган шарбатларга қараганда фойдалироқдир.

Янги сиқилган апелсин шарбати одатда қайта тикланган шарбатга қараганда қимматроқдир[1].

2000-йилда апелсин шарбатининг жаҳон ишлаб чиқариши 2,1 миллион тоннани ташкил этган. Шарбатнинг энг катта миқдори АҚСҲ ва Бразилияда ишлаб чиқарилган[2].

Саломатлик учун аҳамияти

Апелсин шарбати C витамини (аскорбин кислотаси), калий, фолий кислотаси (витамин Б9) манбаи ҳисобланади. Апелсин шарбатида инсон саломатлигига фойдали таъсир кўрсатадиган флавоноидлар ҳам мавжуд. Шарбат мева этили ҳам бўлади.

Апелсин шарбати саратонга қарши, сийдик ҳайдовчи, қон кўпайтирувчи самарали воситадир. Шунингдек, у ошқозон шарбати ишлаб чиқишини камайтирувчи, гипотензив, анти-склеротик ва гемостатик таъсирлари билан ажралиб туради. C ва П витаминларининг яхши нисбати қон томир деворини мустаҳкамлашга ва унинг ўтказувчанлигини камайтиришга ёрдам беради.

Апелсин шарбати иштаҳани яхшилайди, ўт ҳайдовчи ва енгил ич сурги таъсирга эга. Уни соф шаклида истеъмол қилиш хавфли ўсмалар, анемия, гипертония, атеросклероз, семириб кетиш, шамоллаш, юқумли ва ўткир респиратор касалликлар, паст кислотали гастрит, шишлар, ич қотиши, метеоризм, тиш милкидан қон кетишининг кўпайиши, бошқа қон кетиш турлари, тери касалликларини комплекс даволашда қўлланади.

Шарбат ичаётганда шуни ёдда тутиш керакки, оч қоринга ичилган апелсин шарбати ошқозон ёки ичак билан боғлиқ муаммоларни кучайтириши, шунингдек, ошқозон бузилишларини келтириб чиқариши мумкин. Бундан ташқари, бу шарбатнинг юқори кислоталилиги тиш эмалига зарарли таъсир кўрсатади. Шарбатнинг эмалга тегмаслигини таъминлаш учун сомонча чўпидан фойдаланиш тавсия этилади[3].

Манбалар

  1. ↑ 1,0 1,1 „Экономический фундамент рынка соков“. Отраслевой обзор "Соки и безалкогольные напитки". РосБизнесКонсалтинг. 2014-йил 4-февралда асл нусхадан архивланган. Қаралди: 2014-йил 27-январ.
  2. ↑ „О мировом производстве апельсинового сока за последние три года“. Отраслевой обзор "Соки и безалкогольные напитки". РосБизнесКонсалтинг. 2014-йил 4-февралда асл нусхадан архивланган. Қаралди: 2014-йил 27-январ.
  3. ↑ Наталья Шинкарёва, Надежда Бондаренко „Апельсин“, . Кулинарная энциклопедия. Литрес, 2017. 

Адабиётлар

  • Апелсиновий сок натуралний // Товарний словар / И. А. Пугачёв (главний редактор). — М.: Государственноэ издателство торговой литератури, 1956. — Т. И. — Стб. 191—192 — 550 с.
  • Наталья Шинкарёва, Надежда Бондаренко „Апельсин“, . Кулинарная энциклопедия. Литрес, 2017. 

Ҳаволалар

"https://new.ziyosfera.uz/ziyo/Apelsin_sharbati" dan olindi