Argazid kanalar
Аргазид каналар (Аргасидаэ) — паразитоформ каналар оиласи. Оч кана уз. 2—13 мм. Танаси ясси, бир мунча қалин қобиқ билан ўралган, қалқонлари бўлмайди. Қуруқликда яшовчи умуртқалилар қонини сўришга ихтисослашган паразитлар. Аргазид каналар узоқ вақт (11 йилгача) оч яшаши мумкин, лекин ҳайвонга ёпишиб жуда тез ва кўп миқдорда қон сўради. Қонга тўйган кананинг массаси оч канага нисбатан бир неча юз марта ортади. Ург'очиси 50—200 тадан тухум қўяди. Кечаси фаол ҳаёт кечиради. Айрим турлари одам ва ҳайвонларга спирохетоз, вирус касалликларини юқтирувчи ҳисобланади (масалан, товуқ спирохетозини эрон аргас канаси — Аргас персиcус тарқатади). Кана одам қонини сўрганида тери қичийди. Аргазид каналар нинг 100 га яқин тури мавжуд. Ўзбекистон ва Марказий Осиё ҳудудида эрон аргас канаси, каптар канаси (А. рефлиcус) ва Орнитҳодорус уруғининг турлари учрайди. Аргазид каналар уй ҳайвонларининг қонини сўриб катта зиён келтиради.
Адабиётлар
- ЎзМЕ. Биринчи жилд. Тошкент, 2000-йил
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |
|
Бу мақолада бошқа тил бўлимларига ишорат йўқ. Сиз уларни топиб ва ушбу мақолага қўшиб, лойиҳага ёрдам беришингиз мумкин. |