Arkadiy Karpinskiy
Епископ Аркадий (дунёвий исми Аркадий Константинович Карпинский; 1851-йил 26-январ, Новоград-Волинск – 1913-йил 30-август, Новгород вилояти) – рус православ черкови епископи, Туркистон ва Тошкент, Рязан, Зарайск епископи.
| Аркадий Карпинский | |
|---|---|
.jpeg) | |
| Таваллуди |
26-январ 1851-йил |
| Вафоти |
30-август 1913-йил (62 ёшда) Новгород вилояти, Россия империяси |
| Касби | Епископ |
| Фаолият йиллари | 1896—1906 |
Ҳаёти
1851-йил 26-январда Волин вилояти Новоград-Волинск шаҳрида руҳоний оиласида туғилган. У Дерман диний мактабида, сўнгра Волин диний семинариясида ўқиган ва 1873-йилда уни тугатган. 1877-йил 28-июнда у Москва диний академиясини илоҳиёт фанлари номзоди илмий даражаси билан тамомлаган. Унга ҳар қандай диний семинарияларда магистр даражасига эга бўлган ва янги оғзаки имтиҳон топширмасдан дарс бериш ҳуқуқи берилди. 1879—1889-йилларда Клеван (собиқ Дерман) илоҳиёт мактабининг 3-4-синфларида катехизм ва литургиядан (1881—1885-йилларда географиядан) дарс берган.
1879-йил сентябр ойида епархия талабалари учун ётоқхона ташкил этди, 1879-йил 1-ноябрда у талабалар учун касалхона очди, кутубхонани тартибга солди ва тўлдирди. 1879-йилда Сенат қарори билан у суд маслаҳатчиси, 1883-йилда коллегиал маслаҳатчи, 1887-йилда маслаҳатчи-статист лавозимларига тасдиқланган.
1884—1889-йилларда Клеван диний мактаби қурилиш қўмитасининг раиси бўлди. 1888-йилда у мактабда маъбад қурди. Муқаддас Синоднинг 1889-йил 5-сентябрдаги фармони билан у Могилев диний семинариясининг инспектори лавозимига тайинланди ва шу билан бирга семинариянинг 5-синфида Муқаддас Ёзувлардан дарс берди.
1893-йил 20-мартдан 6-сентябргача Могилев епархияси мактаб кенгашининг аъзоси, 1893-йил 25-октябрдан 1895-йил майгача кенгаш раиси бўлган.
Муқаддас Синоднинг 1893-йил 6-сентябрдаги қарори билан у Волин диний семинарияси ректори этиб тайинланди, аммо бир ой ўтгач, у яна Могилев диний семинарияси ректори этиб тасдиқланди. 17-октябрда у архимандрит даражасига кўтарилди ва епархия мактаб кенгашини бошқарди.
1897-йил 9-ноябрдан Туркистон ва Тошкент епископи бўлди ва бу ерда бир давомида фаолият юритди[1][2]. 1902-йил 18-декабрда у Рязан ва Зарайск епископи этиб тайинланди.
1913-йил 17-августда Валдай Иверский монастирида вафот этди[3].
Адабиётлар
- Тихон (Затёкин), Дегтева О. В. Епископ Балахнинский Аркадий (Карпинский) (1896-1897) // Святители земли нижегородской. — Нижний Новгород: Центр содействия бизнесу, 2003. — С. 368—370. — 537 с. — ИСБН 5-00-002241-6.
Манбалар
- ↑ „Аркадий (Карпинский Аркадий), еп«Рязанский и Зарайский“. www.азбйка.ру. Қаралди: 26-ноябр 2023-йил.
- ↑ „Преосвященный Аркадий (Карпинский), 1898-1902 гг.“. www.православиэ.уз. Қаралди: 26-ноябр 2023-йил.
- ↑ „АРКАДИЙ (КАРПИНСКИЙ)“. www.древо-инфо.ру. 2023-йил 26-ноябрда асл нусхадан архивланган. Қаралди: 26-ноябр 2023-йил.