Arthur Eddington

Артҳур Эддингтон

Эддингтон Артур Стенли (1882.28.12, Кендал, Уэстморленд — 1944.22.11, Кембриж) — инглиз астрономи ва физиги. Лондон қироллик жамияти|Лондон Қироллик жамияти]] аъзоси (1914-йилдан). Кембриж университети расадхонаси директори (1914-йилдан), Лондон Қироллик астрономия жамияти (1921 — 1923) ва Халқаро астрономия иттифоқи президенти (1938 — 1944). Асосий илмий ишлари астрофизика, космология ва нисбийлик назариясига оид. Эддингтон юлдузлар ҳаракатини ўрганган, уларнинг ички тузилиши назарий асосларини ишлаб чиққан, биринчи марта ёрқинлик мувозанати назариясини юлдузлар орасида қўллаган. Юлдузларнинг ёрқинлиги уларнинг массасига боғлиқ эканлигини аниқлаган. Эддингтон биринчи бўлиб мувозанатда бўлган юлдузларнинг моделини ҳисоблаган.