Artibus

Неотропик мевахўр кўршапалаклар (Артибеус)-Стенодерматинаэ кенжа оиласига кирувчи ярасалар туркуми ҳисобланади. Вакиллари 12 турдан иборат бўлиб, уларнинг ватани Марказий ва Жанубий Америка, шунингдек, Кариб денгизи ҳисобланади.

Тавсиф

Бу кўршапалаклар ўртача узунлиги 5см дан 10см гача бўлиб, вазни эса 10г дан 85г гача бориши мумкин. Пастки томони ёрқинроқ бўлиб бир нечта турларда юзларида тўртта очиқ рангли чизиқлар мавжуд. Патагиум, оёқлар орасидаги тери жуда кичик ва уларда дум бўлмайди бу мевали ярасаларнинг умумий таснифи. Қулоқлар ўткир ва бошқа кўплаб баргли бурунли ярасалар сингари бурун ҳам аксолокация учун ишлатиладиган кичик, ўткир баргга эга.

Географик тарқалиши ва яшаш жойии

Неотропик мевахўр кўршапалаклар Мексика ва Багама ороллари ҳамда Аргентина шимолигача бўлган Неотропикларда учраши мумкин. Улар турли хил табиий яшаш жойларида яшайди ва уларни ўрмонлардан ҳамда ўтлоқлар орасидан ҳам топиш мумкин.

Озиқланиш, кўпайиш ва ижтимоий хулқ-атвори

Кўпгина кўршапалаклар сингари, неотропик мевахўр кўршапалаклар тунда овга чиқадилар. Улар ғорларда, уйларда ёки бошқа яширин жойларда ухлашади. Баъзи турлар об-ҳаводан бошпана берадиган ва уларни йиртқичлардан яширадиган „чодирлар“ яратиш учун катта барглардан фойдаланадилар. Аксарият турлар катта гуруҳ ҳосил қилиб яшайди. Артибеус жамаиcенсис — энг яхши ўрганилган турларда биттадан учтагача эркак, учтадан ўн торттагача урғочи умумий наслдан иборат гуруҳларни ташкил қилади.

Бу кўршапалакларнинг озуқаси асосан мевалар ҳисобланади аммо улар гулчанг ва ҳашаротларни ҳам истеъмол қилиши мумкин.

Кўпгина турларнинг кўпайиши ҳақида кам нарса маълум лекин ўрганилган маълумотларга қараганда улар одатда 112 дан 120 кунгача бўлган ҳомиладорлик даврига эга ҳисобланади, уйқу ҳолати туфайли ҳомиладорлик 180 кунгача узайтирилиши мумкин. Насл одатда бир ёшдан иборат бўлиб, у икки ойдан кейин сутдан ажратилади ва саккиз ойдан ўн икки ойгача жинсий ҳолатда бўлади. Қўлга ўргатилган кўршапалаклар ўн йилгача яшаши мумкин.

Таксономия

Неотропик мевали кўршапалакларининг жинси иккита кичик авлодга ажратилган (Артибеус ва Коопманиа).

Артибеус жинси-неотропик мевали кўршапалаклар

Артибеус кичик жинси
- Эквадор мевали кўршапалак, Эквадор, Перу ва Колумбиядан Артибеус аэқуаториалис .
- Катта мева еювчи яраса Артибеус амплус Колумбия, Венесуэла ва Гаянада яшайди.
- Мева еювчи кўршапалак Артибеус фимбриатус ўзининг яшаш жойи Бразилиянинг жанубида, Парагвай ва Аргентинанинг шимолида жойлашган.
- Мевахўор кўршапалак Артибеус фратерcулус фақат Эквадор ва Перуда маълум.
- Тукли мева еювчи яраса, Артибеус ҳирсутус Мексиканинг ғарбий қисмида яшайди.
- Гондурас мева еювчи яраса, Артибеус инопинатус Марказий Америкада (Салвадор, Никарагуа ва Гондурас) жойлашган.
- Ямайка мевахўр кўршапалак, Артибеус жамаиcенсис энг машҳур тур ҳисобланади. Багама ороллари ва Шимолий Мексикадан, Марказий Америка ва Кариб денгизи орқали Перу шимоли-ғарбий қисмида тарқалган.
- Мевахўр кўршапалак, Артибеус литуратус Мексика жанубидан Аргентина шимолигача тарқалади.
- Қора мева еювчи кўршапалак Артибеус обсcурус фақат Амазон ҳавзасида яшайди.
- Ясси юзли мевахўр кўршапалак Артибеус планирострис Анд тоғларидан шарқда жойлашган Жанубий Американинг тропик қисмида жойлашган.
- Шварцнинг мева еювчи кўршапалак, Кичик Антил оролларидан Артибеус Шварцси.
- Жигарранг мева еювчи кўршапалак Артибеус cонcолор Амазон ҳавзасида яшайди.

Йўқолиб кетган турлар

Энтони мева еювчи яраса, Артибеус антҳонйи-Кубанинг тўртламчи даври

Манбалар

Роналд М. Ноwак: Уокернинг дунё сутемизувчилари. Жонс Хопкинс университети матбуоти, Балтимор, 1999,ИСБН 0-8018-5789-9 .

Ҳаволалар

Хорхе Ортега, Иван Кастро-Ареллано (2001): Артибеус жамаиcенсис. Сутемизувчилар турлари № 662, Америка маммологлар жамияти.


Кенжа туркум:	Артибеус