Artur Adson

Артур Адсон
Таваллуди	Карл Артур Адсон; 3-феврал (22-январ) 1889-йил; Сäнна, Россия империяси
Вафоти	5-январ 1977-йил; Стокголм, Швеция
Турмуш ўртоғи	Мариэ Ундер

Артур Адсон (1889-йил 3-феврал (22 январ), Сäнна, Россия империяси – 1977-йил 5-январ, Стокголм, Швеция) – эстониялик шоир, ёзувчи ва театр танқидчиси^[1].

Ҳаёти

Артур Адсон (туғилганидаги исми Карл Артур Адсон) 1889-йил 3-февралда (баъзи маълумотларда 22-январ) Россия империяси таркибига кирувчи Сäнна шаҳрида туғилган. У Тарту, Сäнна ва Вõру шаҳарларидаги мактабларда ўқиган. Мактабни тугатгандан сўнг Псковда геодезия бўйича таҳсил олган. 1925—1926-йиллар давомида Тарту университетининг адабиёт факултетида таҳсил олган. Артур Адсон Эстония ва Россияда тадқиқотчи, журналист ҳамда театр танқидчиси бўлиб ишлаган. У бўлажак рафиқаси Мариэ Ундер билан 1913-йилда танишган ва улар 1927-йилда турмуш қуришган.

Адабиётдаги фаолияти

1917-йилда Артур Адсон эстон адабиётига катта таъсир кўрсатган Сиуру адабий ҳаракатининг аъзосига айланган. Кейинчалик Адсон Тарапита ҳаракатида ҳам фаол иштирок этган. Бундан ташқари, у жанубий Эстониянинг воро тилида ижод қиладиган энг кўзга кўринган шоирларидан бири бўлган. Артур театр танқидчиси ва адабиёцҳунос сифатида Эстония Республикасининг маданий меросига катта таъсир кўрсатган.

Адсон таржимонлик билан ҳам шуғулланган. У „Доcтор Зҳиваго“ асарини эстон тилига таржима қилган^[2].

Сургун қилиниши

Артур Адсон ва Мариэ Ундернинг Стокголм шаҳридаги қабри

Совет Иттифоқи Эстонияни босиб олиши билан Артур Адсон ва унинг рафиқаси Швецияга сургун қилинган. Артур у ерда архивчи сифатида ишга жойлашган. Уларнинг иккаласи ҳам эстон адабиётига ҳисса қўшишни Швецияда ҳам давом эттирган. У Стокголм шаҳрида 87 ёшида вафот этган. Артур Адсон ҳам, рафиқаси Мариэ Ундер ҳам Стокголмдаги Скогскйркогåрден қабристонига дафн этилган.

Шеърий тўпламлари

Ҳенге палангоқ (1917)
Вана латерна (1919)
Роосикранц (1920)
Кадувик (1927)
Катаи, кибувиц нинк киви (1928)
Пäрлижõги (1931)
Леҳекüлг ажарааматуст (1937)
Вäрсивакк (1959)
Раҳумäэ каннел (1973)
Луулетусед (1990)

Песалари

Тоомапäэв (1928)
Нели кунингат (1931)
Лаулуиса жа Киржанеици (1930)
Колмас теэ (1932)
Илудускунинганна (1933)
Элав капитал (1934)
Кару лäҳеб меэ лõксу (1936)
Üкс туви лендаб мереле (1937)

Хотиралари

Кäсикиви (1922)
Нели вескит (1946)
Вäикелинна моосекант (1946)
Исе идас – силмад лääнес (1948)
Сиуру-раамат (1949)
Реисираамат (1950)
Лаҳкумине (1951)
Кадунуд мааилм (1954)

Болалар учун ёзган китоби

Накиц: лугу вäикесест лõбусаст жа таргаст коэраст (1944)

Манбалар

↑ Дон Рубин, Петер Нагй, Пҳилиппе Роуер, Wорлд Энcйcлопедиа оф Cонтемпорарй Тҳеатре: Эуропе, Тайлор & Франcис, 1995, ИСБН 0-415-05928-3, п248
↑ Вабар, Свен „Артур Адсон“ (эн). сису-вана.ут.ээ. Қаралди: 2024-йил 14-май.^{[сайт ишламайди]}

Ҳаволалар

Артур Адсон ат Эстониан Wритерс' Онлине Диcтионарй

[1] Дон Рубин, Петер Нагй, Пҳилиппе Роуер, Wорлд Энcйcлопедиа оф Cонтемпорарй Тҳеатре: Эуропе, Тайлор & Франcис, 1995, ИСБН 0-415-05928-3, п248

[2] Вабар, Свен „Артур Адсон“ (эн). сису-вана.ут.ээ. Қаралди: 2024-йил 14-май.^{[сайт ишламайди]}

[1]

[2]