As-Sahva
As-Sahva (arabcha: السهوة, shuningdek, el-Sahoa yoki Sahve), boshqa nomlari Sahvat al-Qamh yoki Sehvet el-Kamh Suriya janubida joylashgan qishloq. Maʼmuriy jihatdan Daraa muhofazasi tarkibiga kiradi. Daraadan sharqda joylashgan. Janubi-gʻarbda al-Jiza, janubda Gʻasm, janubi-sharqda Maaraba, shimoli-sharqda Umm Valad, shimolda al-Musayfira, gʻarbda esa Kahil bilan chegaradosh. Suriya Markaziy Statistika Byurosi (CBS) maʼlumotlariga koʻra, 2004-yil aholini roʻyxatga olishda as-Sahva aholisi 3 950 kishini tashkil qilgan va al-Musayfira nohiyasidagi eng kam sonli aholiga ega qishloq hisoblanadi[1].
As-Sahva السهوة | |
|---|---|
| Qishloq | |
| Mamlakat | Suriya |
| Muhofaza | Daraa |
| Okrug | Daraa okrugi |
| Nohiya | al-Musayfira |
| Aholisi (2004) |
3 950[1] |
| Vaqt mintaqasi | UTCEET +2; +3 |
| Okkupatsiya | Suriya arab armiyasi |
Tarixi
1596-yilgi Usmoniylar soliq roʻyxatlarida, Sahvat al-Qamh nomi ostida uchraydigan mazkur qishloq Havron qadasining (tumani) Butayna nohiyasi (mahalliy maʼmuriy hudud) tarkibida ekani qayd etilgan. Qishloqda 9 xonadon va 4 boʻydoqdan iborat musulmon aholi istiqomat qilgan. Aholi qishloq xoʻjaligi mahsulotlari, jumladan bugʻdoy, arpa, yozgi ekinlar, echkilar va asalari uyalari uchun 40 foizlik qatʼiy soliq toʻlagan. Soliqning umumiy miqdori 3300 akçeni tashkil etgan[2].
As-Sahva shahrida qadimiy minora va cherkov xarobalari mavjud. Binolar maʼlum darajada ahamiyatli boʻlsa-da, ular Havron hududida keng tarqalgan qadimgi Rim va Vizantiya meʼmorchiligidan sezilarli farq qilmaydi. XIX asrda qishloqda birorta ham nasroniy aholi yashamagan[3].
1838-yilda ingliz Injil olimi Eli Smith bu qishloqni xirba (tashlab ketilgan qishloq) deb tasniflagan[4]. XIX asr oxirida as-Sahva qishlogʻida taxminan 70 ta xonadonda 350 ga yaqin aholi istiqomat qilgan. Qishloq darziy bosqinchilarining hujumlariga nisbatan himoyasiz boʻlib, suv manbalari tanqisligidan ham aziyat chekardi. Qishloq aholisi qishloq janubidagi suv kanalidan foydalanish va qishloqning suv omborini toʻldirish uchun darziy shayxlariga (yoʻlboshchilariga) maʼlum miqdordagi pul toʻlashga majbur boʻlgan. Agar hosil yomon boʻlib, aytilgan summani toʻlay olmasalar, qishloq aholisi ommaviy ochlikka duchor boʻlishi va suv izlab chorva mollarini Bosraga haydab ketishga majbur boʻlishi mumkin edi[3].
Manbalar
- ↑ 1,0 1,1 General Census of Population and Housing 2004. Syria Central Bureau of Statistics (CBS). Daraa Governorate. (arabcha)
- ↑ Hütteroth and Abdulfattah, 1977, p. 215
- ↑ 3,0 3,1 Schumacher, 1897, p. 164.
- ↑ Smith; in Robinson and Smith, 1841, vol 3, Second appendix, B, p. 151
Adabiyotlar
- Hütteroth, W.-D.; Abdulfattah, K.. Historical Geography of Palestine, Transjordan and Southern Syria in the Late 16th Century. Erlanger Geographische Arbeiten, Sonderband 5. Erlangen, Germany: Vorstand der Fränkischen Geographischen Gesellschaft, 1977. ISBN 3-920405-41-2.
- Robinson, E.; Smith, E.. Biblical Researches in Palestine, Mount Sinai and Arabia Petraea: A Journal of Travels in the year 1838. Boston: Crocker & Brewster, 1841.
- Schumacher, G. (1897). "Der Südliche Basan". Zeitschrift des Deutschen Palästina-Vereins 19-20: 65–227. https://books.google.com/books?id=dkUpAAAAYAAJ&q=sahwa+kamh.
Havolalar
- Map of the town, Google Maps
- Bosra-map; 22M