Asadillo Nabiyev
| Асадилло Набиев | |
|---|---|
| Таваллуди |
Набиев Асадилло 1979-йил 5-май |
| Фуқаролиги |
 ЎзССР →  Ўзбекистон |
| Касби | театр ва кино актёри |
| Фаолият йиллари | 1995-йилдан ҳозирга қадар |
| Мукофотлари |
 |
Асадилло Набиев (1979-йил 5-май, Қарши, Қашқадарё вилояти, ЎзССР) — театр ва кино актёри, Ўзбекистон Республикасида хизмат кўрсатган артист.
Ҳаёти
Асадилло Набиев 1979-йил 5-майда Қашқадарё вилоятининг Қарши шаҳрида туғилган. 1995—1996-йилларда „Мулоқот“ театр-студиясида актёр бўлиб ишлаган. 1996-йили Ўзбекистон давлат санъат ва маданият институтига ўқишга кириб, 2000-йилда тамомлаган.
Фаолияти
2000-йилдан 2001-йилгача Республика ёш томошабинлар студиясида театр актёри, 2002 йилдан 2004-йилгача Маданий та’минот менежери, 2004-йилдан 2007-йилгача Ўзбек миллий академик драма театрида ёрдамчи актёр, 200-йилдан 2017-йилга қадар - Ўзбек миллий академик драма театрида актёр сифатида фаолият юритган. 2017-йилдан ҳозирги кунга қадар Ўзбек миллий академик драма театрида директор ўринбосари сифатида фаолиятини давом эттириб келмоқда.
Асадилло Набиев Миллий театрда 2007-йилдан буён актёр сифатида ишлаб келмоқда. У ерда саҳналаштирилган кўплаб спектаклларда асосан бош ролларни ижро этиб келади. Жумладан, „Ёруғлик ва ёвузлик“да Масхарабоз, „Гамлет“да Ганзато, „Алишер Навоий“да Жалолиддин, „Макр ва Муҳаббати“да Вурм, „Тун албатта ўтади“да Дипломат, „Соҳибқирон“да Буқаламун, „Уч кунлик дунё“да Аброр, „Адибнинг умри“да Капитан Иванов, „Усмон Носир“да Клёпов, „Нексия“да Дилшод, „Ҳасрат боғи“да Азимжон, „Чегара устидаги уй“да Дипломат, Сапёрлар капитани, „Падаркуш“да Хайрулло, „Бевалар“да Пардаев, „Халала“да Хилми, „Увайсий“да Чопар ошиқ, „Султон Жалолиддин“да Абу Зайд, „Бор эканда, йўқ экан“да Чўпон, „Талваса“да Уй харидори, „Чолиқуши“да Рашид Нозим, „Кичкинтой Карлсон“да Карлсон, „Сизсиз ўтмас кунларим“да Исмоил, „Рустам“да Фармон, „Огоҳ бўлинг, одамлар“да Акбар, „Омон бўлгин, азизим“да Гарве, „Қуёшни сен уйғотасан“да Қодир, „Тақдир синовлари“да Бутунвой, „Танхо юлдуз“да Шавкат, „Ўткан кунлар“да Табиб, „Тонг отган тарафлар“да Алпомиш, „Заминдан олис кетма“да Рахим, „Кузги мактублар“да Ўлмас Умарбеков, „Алишер Навоий“да Сохибдоро, „Мирзо Улуғбек“да Абдуллатив, „Тартюф“да Аргон, „Семурғ“да Хон каби образларни яратган[1].
Актёр бадиий ва видеофилмларда ҳам роллар ижро этган. „Нотаниш полвон“да Номоз полвон, „Гулхан атрофидагилар“да Зариф, „Туташ тақдирлар“да Жасур, „Мунис онам“да Хикмат, „Бурилари“да ота, „Пушаймон“да Зафар, „Қора кўзлар“да Ака, „Очиқ дарс“да Талаба, „Бахт қадри“да Шокир, „Номус“да Ғайрат, „Севинч“да Доктор, „Меҳмонжонлардан айланай“да Одамбой, „Сеҳрли узук“да Ошиқ, „Балойи нафс“да Котиб, „Гумон“да Ўткир, „Жаноб ҳеч ким“да Комилбой, „Фаришта“сида Мурод, „Дада“да Ҳикмат, „Муҳаббат мажораси“да Рустам, „Бинафшалар диёри“да, „Тугун“да Азамат, „Садоқат“да Эр каби бадиий филм, сериал ва видеофилмларда турли қиёфаларни яратган. Бундан ташқари „Оталар сўзи – ақлнинг кўзи“ ва „Денгиздан томчи“ кўрсатувларида ижодий фаолиятини олиб боради.
Мукофотлари
2014-йил Ўзбекистон Республикасида хизмат кўрсатган артист унвони билан тақдирланган[2]. 2021-йили эса унга „Ўзбекистон Республикаси мустақиллигининг 30 йиллиги“ кўкрак нишони топширилган.
Манбалар
- ↑ „Асадулла Набиев“. кино-театр.ру. Қаралди: 21-ноябр 2024-йил.
- ↑ „Cултуре 27/11/2014 Пресидент аwардс wоркерс оф Натионал Драматиc Тҳеатре“. уздаилй.уз. Қаралди: 21-ноябр 2024-йил.