Avliyo Nikolay sobori
 | Бу мақолага бошқа бирорта саҳифадан
ишорат йўқ. (август 2024) |
Авлиё Николай ҳарбий собори (украинча: Вели́кий Мико́ла) – Киевда 1696-йили меъмор Осип Старцев бошчилигида гетман Мазепа-Колединский ташаббуси ва маблағлари ҳисобидан украин барокко услубида қурилган Авлиё Николай монастирининг православ черкови[1].
| Авлиё Николай собори | |
|---|---|
| украинча: Військовий Микільський собор | |
 Авлиё Николай ҳарбий соборининг ХИХ аср охирларига оид тасвири | |
| Жойлашуви | Киев |
| Тури | православ черкови |
| Меъмор | Осип Старсев |
Тарихи
Собор Авлиё Николай монастирининг католикони бўлган. Католикон Днепрдан юқорида, Салут меҳмонхонаси рўпарасида, ҳозирги Иван Мазепа кўчасида жойлашган. ХВИИИ асрнинг ўрталарида собордан узоқроқда қўнғироқ минораси ўрнатилган. Маъбаднинг ички қисми бўялмаган, аммо барокко услубидаги 7 даражали қилиб ўйилган иконостази машҳур бўлган.
1831-йилда баланд, қулай жойлашган, кўзни қамаштирадиган ибодатхона ҳарбий соборга айлантирилади, бу ерда ҳарбий ёдгорликлар сақланади ва ғалабалар муносабати билан ибодатлар ўтказилади. Тўплар собор яқинида баланд жойларга ўрнатилади.
1919-йил 9-май куни руҳоний В. Липковский соборида украин тилидаги биринчи маросим ўтказилган.
1934-йилда маъбад болшевиклар томонидан вайрон қилинган: дастлаб соборнинг гумбазлари вайрон қилинган, кейин эса портлатилган ва қолган харобалар демонтаж қилинган. 1962–1965-йилларда собор ўрнида Н. Островский номидаги пионерлар ва мактаб ўқувчилари саройи қурилган (ҳозирги Киев болалар ва ўсмирлар саройи).
2009-йил июн ойида Президент В. Юшченко соборни асл ҳолига келтириш тарафдори бўлиб, ҳукуматга бу масала устида ишлашни топширган[2].
Ибодат маросимлари айни пайтда илгари қўнғироқ минораси турган жойда – маъбад жойлашган ҳудуддан унчалик узоқ бўлмаган жойда очиқ ҳавода ўтказилмоқда.
Галерея
-
Авлиё Николай монастири, 18-аср охири -
„Буюк Николай“, 1918-йил -
Авлиё Николай ҳарбий собори, 1917-йил -
Авлиё Николай соборининг ошхона черкови -
Авлиё Николай соборини бузиш, 1934-йил
Адабиётлар
- Павленко С. Іван Мазепа як будівничий української культури. ВД «Києво-Могилянська академія», 2005.
Манбалар
- ↑ Павленко С. Іван Мазепа як будівничий української культури. — Киев: ВД «Києво-Могилянська академія», 2005. — С. 130.
- ↑ „В Киеве восстановят Свято-Николаевский военный собор | Новости Киева | Виктор Ющенко поручил Кабинету Министров вместе с Киевской городской государственной администрацией прор …“. 2024-йил 13-октябрда асл нусхадан архивланган. Қаралди: 2024-йил 13-март.