Avval neft konlari

Аввал нефт конлари – Фарғона вилоятидаги конлар, Фарғона шаҳридан 15 км жанубида. Аввал нефт конлари к. ғарбдан шарққа чўзилган антиклинал букил-мада бўлиб, 1953–54 йилларда электро-разведка усули билан очилган. 1955-йилда 3бошланган қидирув ишлари натижасида июн ойида 5- горизонтдан бир кеча-кундузда 40 т.га яқин нефт олинадиган қудуқ кавланган. 1954-йилда асосий Аввал букилмасининг шарқида янги букилма – Шарқий Аввал букилмаси аниқланди. Бу букилмаларнинг тузилишида палео-ген (қалинлиги 250 м) ва неоген (700 м) ётқизиқлари мавжуд. Аввал нефт конлари к.да нефт асосан 5- горизонтда бўлиб, 6- ва 7- го-ризонтларда жуда ҳам оз учрайди. 5- го-ризонт палеогеннинг Туркистон яруси ётқизиқларидаги дарзли оҳактош ҳамда қумтош қатламларидан иборат. Нефт букилманинг шарқий қисмида тўпланган бўлиб, ғарбда узилма билан чегараланади. Нефт билан бирга газ ҳам олинади.

Адабиётлар

• ЎзМЕ. Биринчи жилд. Тошкент, 2000-йил