Azadi minorasi
| Азади минораси | |
|---|---|
.jpg) | |
| Бинокор | Ҳоссеин Аманат |
| Материал | Мармар |
| Баландлиги | 46 м га яқин |
| Қурила бошлаган | 1960-йиллар |
| Қурилиш тамомланган | 1971-йил |
| Вебсайт | азади-тоwер.cом |
| Харита | |
Азади минораси (форсча: برج آزادی, Борж-э Āзāди; таржимаси „Озодлик минораси“) илгари Шаҳяд минораси (برج شهیاد, Борж-э Šаҳйāд; таржимаси „Шоҳларни ёд этиш минораси“) сифатида машҳур бўлган обида. Эроннинг Теҳрондаги Азади майдонида жойлашган. Бу Теҳроннинг диққатга сазовор жойларидан биридир. Шаҳарга г’арбдан кириш ё’лида жойлашгани сабабли минорани „Шаҳар дарвозаси“ деб аташади. Шунингдек, Меҳрабад халқаро аэропорти орқали Теҳронга учиб келувчиларнинг нигоҳи энг аввал Азади минорасига тушади. Азади минорасида ер ости музейи ҳам жойлашган.
Минора баландлиги деярли 45 м бўлиб, юзаси тўлиқ тарашланган мармар билан қопланган[1][2]. Минора Эроннинг сўнгги шоҳи Муҳаммад Ризо Паҳлавий томонидан Форс империясининг 2500-йиллиги шарафига атаб қурдирилган ва у 1971-йилда тўлиқ қуриб битказилган.
Тарихи
1960-йилларда Эрон ҳукумати форс (эрон) давлатчилигининг 2500-йиллигига бағишланган лойиҳалар танловини эълон қилади. Танловда маҳаллий архитектор Ҳоссеин Аманатнинг ижодий иши ғолиб бўлади. Миноранинг қуриб битказилиши ва очилиши 1971-йилда бўлиб ўтади. 16-октабр куни миноранинг тантанали очилиш маросимига Эрон шоҳи Муҳаммад Ризо Паҳлавий ҳам иштирок этади. У пайтда миноранинг номи Борж-э Šаҳйāд (таржимаси: Шоҳларни ёд этиш минораси) бўлган ва у жойлашган майдон ҳам Мейдан-э Šаҳйāд (таржимаси Шоҳларни ёд этиш майдони) деб номланган. 1979-йил Эрон ислом инқилобидан кейин минора ҳам, майдон ҳам Азади (Озодлик) деб атала бошланган.
Манбалар
- ↑ „Яҳоо Неwс - Латест Неwс & Ҳеадлинес“. неwс.яҳоо.cом. Қаралди: 1-сентабр 2015-йил.
- ↑ Ҳуреау, Жеан. Иран Тодай, 2нд. Эд, эдитионс ж.а.