Ziyosfera

Azimboy Saʼdullayev

Зиёсферада исми Азимбой ва фамилияси Саъдуллаев бўлган бошқа кишилар ҳақида ҳам мақолалар мавжуд.

Азимбой Саъдуллаевич Саъдуллаев (1947-йил 9-январ, Шовот тумани, Хоразм вилояти, Ўзбекистон ССР – 2025-йил 28-май, Тошкент, Ўзбекистон) – ўзбекистонлик математик олим, Ўзбекистон Фанлар академияси академиги (1995), физика-математика фанлари доктори (1982), профессор (1985).

Азимбой Саъдуллаев
Файл:Азимбой Саъдуллаев.пнг
Таваллуди 9-январ 1947-йил
Шовот тумани, Хоразм вилояти, Ўзбекистон ССР
Вафоти 28-май 2025-йил(2025-05-28)
(78 ёшда)
Тошкент, Ўзбекистон
Фуқаролиги SSSR bayrogʻi СССР → Oʻzbekiston bayrogʻi Ўзбекистон
Касби математик олим
Соҳаси математика
Иш жойлари Ўзбекистон Миллий университети Ўзбекистон Республикаси Фанлар академиясининг Математика институти
Таълими Москва давлат университети
Илмий даражаси физика-математика фанлари доктори
Илмий унвони академик
Мукофотлари Mehnat shuhrati ordeni

Таржимайи ҳоли

Азимбой Саъдуллаев 1947-йил 9-январда Шовот туманида ишчи ва деҳқон оиласида туғилган[1][2][3][4]. 1952—1963-йилларда Шовот туманидаги ўрта мактабни тамомган. 1963—1966-йилларда Тошкент давлат университетининг механика-математика факултетида ўқиган. 1966-йилда Азимбой Саъдуллаев ўқишини Москва давлат университетининг механика-математика факултетига кўчирган[1]. Ўқишини у ерга кўчиришни академиклар Т. А. Саримсоқов ва С. Ҳ. Сирожиддиновлар маслаҳат беришган. 1969-йилда Москва давлат университетини тамомлаган[2], 1969—1972-йилларда Москва давлат университетининг аспирантурасида таҳсил олган.

1972—1978-йилларда Тошкент давлат университети математик анализ кафедрасининг катта ўқитувчиси, доцент, 1978—1983-йилларда Ўзбекистон Фанлар академиясининг Математика институтининг катта илмий ходими, 1983—1992-йилларда математик анализ кафедрасининг мудири, 1985—1992-йилларда математика факултетининг декани бўлиб ишлаган.

1992-йилда Азимбой Саъдуллаев Урганч давлат педагогика институти ректори этиб тайинланган. Ушбу вазифада 2007-йилгача ишлаган[2]. Айнан унинг ҳаракати билан институт универистет мақомини олади[5]. 1997—2007-йилларда Хоразм Маъмун академияси раис сифатида фаолият олиб борган[6]. 2007—2012-йилларда Ўзбекистон Миллий университетида математик анализ кафедраси мудири, 2012—2017-йилларда математик анализ кафедраси профессори ҳамда Математика институтининг бош илмий ходими бўлиб ишлаган[2]. 2017—2025-йилларда Ўзбекистон Миллий университетида математик анализ кафедраси мудири бўлган[2]. Азимбой Саъдуллаев 2025-йил 28-май куни 78 ёшида вафот этган[7][8][9][10].

Азимбой Саъдуллаев Ўзбекистон Республикаси Олий Мажлисининг 1994-йилда И чақириқ, 1999-йилда эса Хоразм вилояти 206-Ичан қаъла округидан ИИ чақириқ[11] депутати (1994—1999, 1999—2004) этиб сайланган[2][5]. 2004—2009-йилларда халқ депутатлар Хоразм вилояти кенгаши депутати бўлган[2].

Илмий фаолияти

Азимбой Саъдуллаев 1972-йилда фан номзоди илмий даражасини олиш учун „Каноник кўпайтма ва аналитик тўпламлар“ (русча: „Каноническое произведение и аналитические множества“, 1982-йилда фан доктори илмий даражасини олиш учун „Комплекс потенсиал назарияси ва унинг қўлланилиши“ (русча: „Комплексная теория потенциала и её применения“) мавзусидаги диссертациясини ҳимоя қилган[12]. 1989-йилда Ўзбекистон Фанлар академиясининг мухбир аъзоси бўлган, 1995-йилда эса академиянинг академиги этиб сайланган[3].

нинг илмий фаолияти математика фанидаги „Кўп комплексли ўзгарувчили функсиялар назарияси“ ва „Комплекс потенсиаллар назарияси“га оид бўлган[4][13]. Азимбой Саъдуллаевнинг америкалик олимлар билан бирга комплекс потенсиаллар назарияси асосини яратишган[12][3]. Бу назарияни амалиётда қўллаб, бир неча йирик илмий муаммоларни ечган.

Фундаментал ишларининг бир қанчаси чет элларда нашр қилинган, дарслик ва монографияларида чоп этилган. Азимбой Саъдуллаев 15 та монография[9] ва 6 та дарсликлар, 200 дан ортиқ илмий ишлар муаллифи ҳисобланади[5]. Азимбой Саъдуллаев АҚШ, Франсия, Туркия, Германия, Италия, Россия, Хитой каби давлатларга давлат ва илмий делегациялар таркибида борган[5].

Мукофотлари

1990-йилда Ўзбекистон Фахрий ёрлиғи, 2000-йилда „Ўзбекистон белгиси“ кўкрак нишони, 2020-йилда эса Меҳнат шуҳрати ордени билан мукофотланган[14].

Манбалар

  1. ↑ 1,0 1,1 „Азимбой Садуллаэвич Садуллаэв“. карй-ниязов.уз (2023-йил 27-июл). 2025-йил 15-мартда асл нусхадан архивланган. Қаралди: 2025-йил 28-май.
  2. ↑ 2,0 2,1 2,2 2,3 2,4 2,5 2,6 „АЗИМБОЙ САДУЛЛАЕВ 70 ОЛИМ, УСТОЗ, ДЎСТ“. 2023-йил 28-октябрда асл нусхадан архивланган. Қаралди: 2025-йил 28-май.
  3. ↑ 3,0 3,1 3,2 „Академик Азимбой Са’дуллаев вафоти муносабати билан ҳамдардлик“. пресидент.уз (2025-йил 28-май). 2025-йил 1-ноябрда асл нусхадан архивланган. Қаралди: 2025-йил 28-май.
  4. ↑ 4,0 4,1 „Академик Азимбой Са’дуллаев 78 ёшида вафот этди“. кун.уз (2025-йил 28-май). 2025-йил 28-майда асл нусхадан архивланган. Қаралди: 2025-йил 28-май.
  5. ↑ 5,0 5,1 5,2 5,3 „АКАДЕМИК АЗИМБОЙ САДУЛЛАЭВИCҲ САДУЛЛАЭВ, 75 ЙОСҲГА ТЎЛДИ“. нуу.уз. 2023-йил 28-октябрда асл нусхадан архивланган. Қаралди: 2023-йил 28-октябр.
  6. ↑ „Математик олим Азимбой Са’дуллаев 78 ёшида вафот этди“. газета.уз (2025-йил 28-май). 2025-йил 28-майда асл нусхадан архивланган. Қаралди: 2025-йил 28-май.
  7. ↑ Мансурбек Жабборов. „Таниқли математик олим Азимбой Саъдуллаев вафот этди“. юз.уз (2025-йил 28-май). 2025-йил 28-майда асл нусхадан архивланган. Қаралди: 2025-йил 28-май.
  8. ↑ „Академик, таниқли математик Азимбой Саъдуллаев 78 ёшида вафот этди“. хабар.уз (2025-йил 28-май). 2025-йил 28-майда асл нусхадан архивланган. Қаралди: 2025-йил 28-май.
  9. ↑ 9,0 9,1 „Президент академик Азимбой Са’дуллаев вафоти муносабати билан та’зия билдирди“. кун.уз (2025-йил 28-май). 2025-йил 28-майда асл нусхадан архивланган. Қаралди: 2025-йил 28-май.
  10. ↑ „Математик олим Азимбой Са’дуллаев 78 ёшида вафот этди“. ойина.уз (2025-йил 28-май). 2025-йил 29-майда асл нусхадан архивланган. Қаралди: 2025-йил 28-май.
  11. ↑ „САДУЛЛАЕВ Азимбой“. cентрасиа.орг.
  12. ↑ 12,0 12,1 „Академик Азимбой Садуллаевич Садуллаев“. матҳнет.уз. 2023-йил 28-октябрда асл нусхадан архивланган. Қаралди: 2023-йил 28-октябр.
  13. ↑ „Академик Азимбой Саъдуллаев вафот этди“. ишонч.уз (2025-йил 28-май). 2025-йил 31-майда асл нусхадан архивланган. Қаралди: 2025-йил 28-май.
  14. ↑ „Ўзбекистон Республикаси мустақиллигининг йигирма тўққиз йиллиги муносабати билан фан, таълим, адабиёт, маданият, санъат ва оммавий ахборот воситалари соҳалари ходимларидан бир гуруҳини мукофотлаш тўғрисида“ (2020-йил 28-август). 2023-йил 28-октябрда асл нусхадан архивланган. Қаралди: 2025-йил 28-май.

Адабиётлар

  • Олий математика асослари, Т., 1998; Математик анализдан мисол ва масалалар тўплами, Т., 2000.
"https://new.ziyosfera.uz/ziyo/Azimboy_Sa%CA%BCdullayev" dan olindi