Ziyosfera

Azizi Bank

Azizi Bank — Afgʻonistondagi eng yirik tijorat banklaridan biri.

Azizi Bank
‍عزیزی بانک
Asosiy maʼlumotlar
Turi Xususiy
Faoliyati Tijorat banki
Asos solingan 2006-yil iyun
Boyligi
Xodimlari 1,326[1]
Rahbariyat Mirwais Azizi (Rais)
Boshqaruvchi jamiyati Azizi Group
Shoʻba tashkilotlari Afgʻoniston Islom banki (sobiq Bakhtar Bank)
Sayti azizibank.af

Uning butun Afgʻoniston boʻylab 56 ta filiali (shu jumladan qoʻshimcha xizmat koʻrsatish shoxobchalari) va 88 ga yaqin bankomatlari (ATM) mavjud.[1] Bank 2006-yil 13-iyunda oʻz faoliyatini boshlagan va bosh ofisi Afgʻonistonning Qobul shahridagi Vazir Akbar Xon mahallasida joylashgan.[2] Mirwais Azizi bank asoschisi va raisi hisoblanadi.

Hozirgi vaqtda Azizi Bankda 1326 nafarga yaqin xodim ishlaydi, ularning 12 foizini ayollar tashkil etadi.[1][3] 2021-yilgi Tolibon hujumi paytida, Tolibonning baʼzi aʼzolari Qandahordagi Azizi Bankning ayol xodimlarini kuzatib borib, ularga ishga qaytmaslikni buyurgan edi.[4]

Farhad Azizi

Farhad Azizi
Tavalludi 1982
Afgʻoniston
Fuqaroligi Afgʻoniston, BAA
Taʼlimi Tulsa universiteti
Suffolk universiteti (MBA)
Kasbi Tadbirkor, investor
Faoliyat yillari 1989-yildan hozirgacha
Dini Islom
Unvoni Azizi Developments CEO'si, Azizi Bank raisi
Otasi Mirwais Azizi
Mukofotlari Arabian Business: 100 Inspiring leaders (2018)

Farhad Azizi — BAAda faoliyat yurituvchi tadbirkor,[5][6] milliarder, investor va „Azizi Developments“ kompaniyasi Bosh ijrochi direktori .[7][8] [9][10] U ushbu bankka 2006-yilda 7,5 million dollar ustav kapitali bilan asos solgan va keyinchalik bu koʻrsatkich 80 million dollarga yetgan.[11][12] U koʻchmas mulk, bank ishi, investitsiya va mehmonxona sohalarida faoliyat yurituvchi, 1989-yilda tashkil etilgan „Azizi Group“ kompaniyalar guruhi bosh direktori hisoblanadi.[13]

2018-yil holatiga koʻra, u afgʻon millatiga mansub eng boy shaxs va oila vakili hisoblanadi. U 2018-yil mart oyida „Arabian Business“ nashrining „Yaqin Sharqdagi 100 ta ilhomlantiruvchi yetakchilar“ roʻyxatiga kiritilgan.[14][15] Farhad Azizi neft mahsulotlari monopoliyasiga ega boʻlgan Afgʻonistonning eng boy odamlaridan biri sifatida tan olingan.[16] „Azizi Developments“ — Dubayda joylashgan koʻchmas mulk ishlab chiqaruvchisi hisoblanadi.[17]

Yoshligi

Bolaligida otasi Mirwais Azizi bilan Afgʻonistondan Dubayga koʻchib oʻtgach, ular 1989-yilda „Azizi Group“ga asos solishgan.[18]

Tulsa universiteti bitiruvchisi boʻlgan Azizi, Boston-Suffolk universitetida moliya menejmenti boʻyicha MBA darajasini olgan. Oʻqishni tugatgandan soʻng, Farhad Yaqin Sharqqa qaytishdan oldin bir muddat Yevropada boʻlgan.[19]

Faoliyati

2007-yilda „Azizi Developments“ kompaniyasi tashkil etildi. 2006-yilda esa Afgʻonistondagi eng yirik tijorat moliya instituti boʻlgan Azizi Bankka asos solingan edi.[9] Shuningdek, ular Afgʻonistondagi nufuzli banklardan biri sanalgan Bakhtar Bankni (hozirgi Afgʻoniston Islom banki) sotib olishgan.[20]

2008-yilgi moliyaviy inqiroz va 2009-yildagi Dubay uy-joy bozoridagi pasayishdan oldin, „Azizi Developments“ Dubayda hali qurilmagan (off-plan) ob’ektlarni sotgan. Aksariyat xaridorlar toʻlovlarni davom ettira olmaganida, Azizi ularning depozitlarini qaytarib berishni buyurgan.[21]

2013-yilda kompaniya loyihalarni qurishni qayta tikladi. Hozirgi kunda kompaniyaning Dubaydagi portfeli 45 milliard amirlik dirhamidan (AED) oshadi.[22] Uning dastlabki 80 million dollar investitsiya bilan boshlangan „Azizi Hotak Group“ neft biznesi 10 ta davlatda faoliyat yuritadi.[23]

Kompaniyalari

Aziziga tegishli kompaniyalar va tashkilotlar roʻyxati:

  • Azizi Hotak General Trading Group
  • Azizi Investments
  • Azizi Developments
  • Azizi Bank
  • Bakhtar Bank (hozirgi Afgʻoniston Islom banki)
  • Azizi Hospitality
  • Azizi Foundation

Shuningdek qarang

Manbalar

  1. ↑ 1,0 1,1 1,2 „Our Profile“. Azizi Bank. Qaraldi: 2022-yil 10-aprel.[sayt ishlamaydi]
  2. ↑ „Azizi Bank“. Afghanistan Banks Association. Qaraldi: 2022-yil 10-aprel.
  3. ↑ „Annual Report 2017“. Azizi Bank. 2025-yil 30-dekabrda asl nusxadan arxivlangan. Qaraldi: 2022-yil 10-aprel.
  4. ↑ „Afghan female bank employees forced out of jobs as Taliban takes control“. Al Arabiya Network. Reuters (2021-yil 13-avgust). Qaraldi: 2022-yil 10-aprel.
  5. ↑ „Farhad Azizi: 'Location has always been the key criteria for a property's desirability'“ (2021-yil 10-avgust).
  6. ↑ Rahal, Nabila. „Azizi "under-promises and over-delivers" with 2.7km-long crystal lagoon to be completed ahead of schedule“ (2022-yil 18-mart).
  7. ↑ Thomas, Aby Sam „Follow The Leader: Azizi Developments CEO Farhad Azizi“. Entrepreneur (2019-yil 10-iyun).
  8. ↑ „Azizi Developments is finally ready to take on a 'billion-plus mixed-use iconic' project in Dubai: CEO“. gulfnews.com (2021-yil 17-iyun).
  9. ↑ 9,0 9,1 Barnard, Lucy. „Azizi presses ahead with thousands of apartments in Dubai“. The National (Abu Dhabi) (2015-yil 30-mart).
  10. ↑ Schreck, Adam. „2nd Afghan bank with Dubai ties defends links“. Deseret News (2010-yil 7-sentyabr). 2018-yil 29-iyunda asl nusxadan arxivlangan.
  11. ↑ Gregson, Jonathan. „World's Best Bank Awards 2018: Asia-Pacific“. Global Finance (2018-yil 1-may).
  12. ↑ „Dubai developer pushes new launch despite supply worries“. gulfnews.com (2019-yil 11-sentyabr).
  13. ↑ Halligan, Neil. „Build and they will come: Azizi CEO Farhad Azizi“. Arabian Business (2017-yil 26-oktyabr).
  14. ↑ „100 Inspiring Leaders in the Middle East“. Arabian Business (2018). Qaraldi: 2018-yil 6-avgust.
  15. ↑ „100 Inspiring Leaders In The Middle EastMirwais : Azizi“. Arabian Business (2018-yil 1-mart).
  16. ↑ Khan, Sarmad „Cityscape 2022: Azizi plans 195bn spending and launch of Dubai's second-tallest tower“. The National (2022-yil 22-noyabr).
  17. ↑ „UAE developer Azizi launches new division to add Dubai retail portfolio“. ArabianBusiness. Qaraldi: 2024-yil 23-yanvar.
  18. ↑ „Power Hour 2021: Farhad Azizi, CEO of Azizi Developments, Ranks 11th“ (2022-yil 8-sentyabr).
  19. ↑ „Azizi Developments' Park Avenue is now 40% complete“. www.tradearabia.com.
  20. ↑ Mohammadi, Zarmina. „First Islamic Bank In Afghanistan Opens For Business“. TOLOnews (2018-yil 25-aprel).
  21. ↑ Halligan, Neil. „Time to deliver for Azizi Developments“. Arabian Business (2016-yil 17-aprel).
  22. ↑ „UAE's Azizi records $350m home sales at Cityscape“. Arabian Business (2017-yil 17-sentyabr).
  23. ↑ Fenton, Suzanne. „Azizi Investments plans 55 Dubai projects“. Gulf News (2008-yil 4-iyun).

Qoʻshimcha oʻqish uchun

Havolalar

Rasmiy sayti 

"https://new.ziyosfera.uz/ziyo/Azizi_Bank" dan olindi