Bahodir Mirzayev
 | Бу мақоланинг бетарафлиги шубҳа остидадир. Батафсилроқ маълумот учун мақола мунозарасига қаранг. |
Мирзаэв Баҳодир Суюнович — „Тошкент ирригация ва қишлоқ хўжалигини механизациялаш мухандислари институти“ Миллий тадқиқот университети [1], техника фанлари доктори, профессор. 1968-йил 20-октабрда Қашқадарё вилояти Нишон тумани Нишон қишлоғида туғилган. 1986—1993-йилларда институт талабаси. 1993-йил „Зиёкор“ илмий ишлаб чиқариш корхонасида илмий изланувчи, 1994—2013-йилларда ТИҚХММИ аспиранти, инженер программист, Замонавий техника ва технологиялар ўқув маркази директори, Кадрлар малакасини ошириш ва қайта тайёрлаш маркази директори, Илмий Кенгаш котиби, Сув хўжалигини автоматлаштириш ва механизациялаш факултети декани, Маънавият ва маърифат ишлари бўйича проректор, Ўқув ишлари ва биринчи проректор лавозимларида ишлаган. 1999-йилда номзодлик, 2015-йилда докторлик диссертацияларини ҳимоя қилган. 110 дан ортиқ илмий ишлар ва услубий қўлланмалар, 14 та ихтиро муаллифи. 2004-йилда Голландиянинг Вагенинген, 2012-йилда Словениянинг Любляна, 2014-йилда Германиянинг Гиссен, 2015-йилда Англиянинг Греэнвич, 2016—2018-йилларда Швециянинг Лунд, 2017—2018-йилларда Нидерландиянинг Вагенинген ва 2018-йилда Туркиянинг Сакаря каби университетларида касбий малакасини оширган.
Манбалар
|
Бу мақолада бошқа тил бўлимларига ишорат йўқ. Сиз уларни топиб ва ушбу мақолага қўшиб, лойиҳага ёрдам беришингиз мумкин. |