Bahrom Hakimov

Баҳром Ҳакимов
Шахсий маълумот
Таваллуд санаси	1955-йил 25-феврал (71 ёш)
Таваллуд жойи	Қўқон, Ўзбекистон ССР, СССР, ; СССР, ; Ўзбекистон
Ёшлигида аъзо бўлган клублар
	Қўқон
Профессионал фаолияти*
Йиллар	Жамоа
1976—1990	Қўқон
Бошқарган клублари
1991; 1992—1993; 1994—1995; 1996; 1998—1999; 2000—2001; 2006; 2015—2016; 2019	Автомобилчи мураббий ; Темирйўлчи ; МҲСК; Наврўз; Темирйўлчи; Насаф ; Насаф; Динамо (Самарқанд); Турон
	*Профессионал клублардаги голлари (ички чемпионат)

Баҳром Ҳакимов (25.02.1955; Қўқон, Ўзбекистон ССР, СССР) – совет ва ўзбек футболчиси, ҳозир мураббий.

Фаолияти

Қўқон футбол мактаби тарбияланувчиси. Ҳакимов асосан футболчилик фаолиятини ҳозир „Қўқон 1912“ деб аталадиган „Қўқон“ клуби таркибида ўтказган. 1991-йилда мураббийлик фаолиятини бошлаган ва ўша йили Қўқоннинг „Автомобилчи“ жамоаси бош мураббийи ёрдамчиларидан бирига айланган. 1992-йил бошида „Темирйўлчи“(номини ўзгартирган) Қўқон клубига бош мураббий этиб тайинланган. 1993-йилнинг охиригача „Темирйўлчи“ жамоасини бошқарган. 1994-йилги мавсум бошида Тошкентнинг „МҲСК“ клуби бош мураббийи этиб тайинланган. Баҳром Ҳакимов бошчилигида „МҲСК“ 1995-йилда Ўзбекистон кубоги финалига қадар етиб борган ва Олий лигада иккинчи ўринни эгаллаб, мамлакат чемпионати кумуш медалини қўлга киритган^[1].

1996-йил бошида Андижоннинг „Наврўз“ жамоасига бош мураббий этиб тайинланиб, мавсум охиригача жамоани бошқарган. 1998-йилда яна Қўқоннинг "Темирйўлчи" жамоасига бош мураббий бўлиб, икки мавсум жамоани бошқарган. 2000-йил бошида Қаршининг „Насаф“ клубига бош мураббий этиб тайинланган.

Ҳакимов бошчилигида „Насаф“ ўз тарихидаги энг юқори натижаларга эриша бошлаган. Ўша мавсумда клуб чемпионатда 85 очко тўплаб, олий лигада йигирмата жамоа ичида учинчи ўринни эгаллаган ва бронза медалларини қўлга киритган. Бу Қарши клубининг ўз тарихидаги илк медали бўлган. 2001-йилги мавсумда „Насаф“ яна бир бор Олий лиганинг учинчи поғонасини забт этган ва 2002-йилда Осиё чемпионлар кубогида иштирок этиш йўлланмасини қўлга киритган^[2]^[3]. Баҳром Ҳакимов кейинги мавсумда „Насаф“ни бошқармаган. Фақат 2006-йилда келиб клуб бош мураббийи бўлган ва яна клуб билан чемпионатда бронза медалларини қўлга киритган. 2015-йил июл ойида Самарқанднинг „Динамо“ клубига бош мураббий этиб тайинланган^[4]^[5].

Ютуқлари

Жамоавий ютуқлари

"МҲСК"билан:

Ўзбекистон чемпионати кумуш медали совриндори: 1995-йил
Ўзбекистон кубоги финалчиси: 1995-йил

"Насаф" жамоаси билан:

Ўзбекистон чемпионати бронза медали совриндори: 2000-йил
Ўзбекистон чемпионати бронза медали совриндори: 2001-йил
Ўзбекистон чемпионати бронза медали совриндори: 2006-йил

Шахсий ютуқлари

Ўзбекистонда йилнинг энг яхши футбол мураббийи: 2000-йил
Ўзбекистонда йилнинг энг яхши футбол мураббийи унвони бўйича 2-ўрин: 2001-йил

Манбалар

↑ „Как это было: Кубковый финал“ (деадлинк). 2016-йил 4-мартда асл нусхадан архивланган. Қаралди: 2015-йил 2-август.
↑ „Насаф“ поддержал авторитет узбекского футбола
↑ Баҳром Ҳакимов „Насаф“ ва „Пахтакор“ ўйини олдидан
↑ Бахром Хакимов – новий главний тренер „Динамо“ (Wайбаcк Мачине сайтида 2015-07-08 санасида архивланган)
↑ „Баҳром Ҳакимов Самарқанднинг «Динамо» клубида иш бошлади“. 2016-йил 5-мартда асл нусхадан архивланган. Қаралди: 2022-йил 21-июл.

Ҳаволалар

Профил на базе сайта фоотбаллфаcц.ру

[1] „Как это было: Кубковый финал“ (деадлинк). 2016-йил 4-мартда асл нусхадан архивланган. Қаралди: 2015-йил 2-август.

[2] „Насаф“ поддержал авторитет узбекского футбола

[3] Баҳром Ҳакимов „Насаф“ ва „Пахтакор“ ўйини олдидан

[4] Бахром Хакимов – новий главний тренер „Динамо“ (Wайбаcк Мачине сайтида 2015-07-08 санасида архивланган)

[5] „Баҳром Ҳакимов Самарқанднинг «Динамо» клубида иш бошлади“. 2016-йил 5-мартда асл нусхадан архивланган. Қаралди: 2022-йил 21-июл.

[1]

[2]

[3]

[4]

[5]

Шахсий маълумот
Таваллуд санаси	1955-йил 25-феврал (1955-02-25) (71 ёш)
Таваллуд жойи	Қўқон, Ўзбекистон ССР, СССР, СССР, Ўзбекистон
Ёшлигида аъзо бўлган клублар
	Қўқон
Профессионал фаолияти*
Йиллар	Жамоа	Ишт.	(Гол.)
1976—1990	Қўқон		(? (?))
Бошқарган клублари
1991 1992—1993 1994—1995 1996 1998—1999 2000—2001 2006 2015—2016 2019	Автомобилчи мураббий Темирйўлчи МҲСК Наврўз Темирйўлчи Насаф Насаф Динамо (Самарқанд) Турон
*Профессионал клублардаги голлари (ички чемпионат)