Barış Esen
Barış Esen (1986-yil 3-noyabrda tugʻilgan) – turkiyalik shaxmat grossmeysteri. 2013-yil iyul oyidagi FIDE reyting roʻyxatiga koʻra, u faol shaxmatchilar orasida dunyoda 369-oʻrinni, Turkiyada esa beshinchi oʻrinni egallagan. U 2005-yilda Xalqaro usta (IM) unvonini, 2010-yil 25-iyulda esa Grossmeyster (GM) unvonini qoʻlga kiritgan.
| Barış Esen | |
 Barış Esen (2012-yil) | |
| Tugʻilgan sanasi: | 1986-yil 3-noyabr |
| Fuqaroligi: | Turkiya |
| Unvoni: | Grossmeyster (2010-yil) |
| Maksimal reytingi: | 2593 (sentyabr, 2014-yil) |
Faoliayti
U 1986-yil 3-noyabrda tugʻilgan[1]. U shaxmat oʻynashni bolalik davrining ilk yillarida, 1990-yillarning oxirlarida boshlagan. Antaliyada boʻlib oʻtgan shaxmat musobaqalaridan birida tanishgan ozarbayjonlik Xalqaro usta Fikret Sideifzade unga shaxmatning asoslarini oʻrgatgan[2].
2010-yilda Turkiyaning Konya shahrida boʻlib oʻtgan Angora turniridagi muvaffaqiyatidan soʻng u Grossmeyster deb eʼlon qilindi va bu unvonni qoʻlga kiritgan Turkiyaning eng yosh hamda toʻrtinchi shaxmatchisiga aylandi[2][3].
2011-yilda Fransiyaning Aix-les-Bains shahrida boʻlib oʻtgan Yevropa individual shaxmat chempionatida 11 partiyadan 7,5 ochko jamgʻarganidan soʻng[4], Barış Esen Rossiyaning Xanti-mansiysk shahrida oʻtkazilgan 2011-yilgi Shaxmat boʻyicha Jahon kubogiga Turkiya nomidan yagona ishtirokchi sifatida yoʻllanma oldi. U musobaqaning birinchi bosqichida ukrainalik grossmeyster Olexandr Moyseyenko bilan bahs olib borib, 0,5–1,5 hisobida magʻlubiyatga uchradi[5].
Shaxsiy hayoti
Esen Nesibe Esen bilan turmush qurgan. Ularning oʻgʻli Emin 2010-yil 7-oktyabrda tugʻilgan[6]. U Adana shahrida istiqomat qiladi[7].
Yutuqlari
- 2009-yil, Salonika Open, Gretsiya – 2-oʻrin
- 2009-yil, Angora turniri, Turkiya – 1-oʻrin
- 2010-yil, Salonika Open, Gretsiya – 2-oʻrin
Manbalar
- ↑ „Baris Esen“. Chess Games. Qaraldi: 2013-yil 13-iyul.
- ↑ 2,0 2,1 „Yeni büyükusta Barış Esen“ (Turkish) (2010-yil 18-iyul). Qaraldi: 2013-yil 13-iyul.
- ↑ „En Genç Büyükustamız Barış Esen“ (Turkish). Türkiye Satranç Federasyonu (2010-yil 13-iyul). Qaraldi: 2013-yil 13-iyul.
- ↑ „12th European Individual Championship Tournament“. hess ames. Qaraldi: 2013-yil 13-iyul.
- ↑ „Barış Esen, bir ilke imza attı“ (Turkish) (2011-yil 4-sentyabr). Qaraldi: 2013-yil 13-iyul.
- ↑ „Barış Esen Baba Oldu !“ (Turkish). Özgür Satranç Forum (2010-yil 5-sentyabr). 2013-yil 13-iyulda asl nusxadan arxivlangan. Qaraldi: 2013-yil 13-iyul.
- ↑ „Satrançta Uluslarası Büyük Usta Adana'dan“ (Turkish). 2013-yil 13-iyulda asl nusxadan arxivlangan. Qaraldi: 2013-yil 13-iyul.