Baroqxon (Shayboniy)

Навруз Аҳмадхон
Бароқхон ибн Эсон Тува ибн Мутуген ибн Чиғатой
Ҳукмронлигининг бошланиши:	1552
Ҳукмронлигининг тугаши:	1556
Ўтмишдош:	Суюнчхўжахон
Ворис:	Бобо Султон
Туғилган санаси:	1510-йил
Вафот санаси:	1556
Вафот жойи:	Самарқанд
Дафн жойи:	Самарқанд
Сулола:	Шайбонийлар

Бароқхон (ҳақиқий исми Наврўз Аҳмадхон) (? — 1556, Самарқанд) — ўзбек шайбонийлар сулоласидан бўлган хон.

Абулхайрхоннмнг невараси, Тошкент ҳокими Суюнчхўжахоннинг кичик ўғли. Отасининг вафотидан кейин Тошкент ҳокими (1533—1551), сўнгра Мовароуннаҳр (1551—1556) хони. Бароқхон ёшлигида Восифийдан шеърият, мусиқа, ашула, вазн ва назмдан таълим олган. Айни вақтда чавандозлик ва ҳарбий машқлар билан кўпроқ машғул бўлган. Бароқхон ўз салтанатини кенгайтириш учун кўп ҳарбий юришлар уюштирган. Абдуллатифхон вафотидан кейин 1551-йил Самарқанд тахтига ўтирган ва Наврўз Аҳмадхон номи билан Мовароуннаҳрни бошқарган. Унинг номи билан танга пуллар зарб этилган. Бароқхон ободончилик ишларига эътибор берган, Тошкентда Бароқхон мадрасасини қурдирган. Ҳофиз Таниш Бухорийнинг „Абдулланома“ асарида қайд этилишича, Бароқхон 1556-йил Зарафшон дарёсидан бошланган Дарғом каналининг бош иншооти — Равотхўжа тўғонини тузаттириш учун келган ва шу ерда тўсатдан вафот этган. Бароқхон даврида Мовароуннаҳр билан Яқин ва Ўрта Шарқ мамлакатлари, Ҳиндистон, Хитой, Сибир ўртасида савдо-сотиқ, элчилик муносабатлари ривожланган.

Бухоро ҳукмдорлари

1500 — 1510 Муҳаммад Шайбоний 1511 — 1512 Суюнчхўжахон 1512 — 1530 Кўчкунчихон 1530 — 1533 Абу Саид 1533 — 1540 Убайдулла И 1540 — 1540 Абдулла И 1540 — 1551 Абдуллатиф 1540 — 1550 Абдулазиз 1552 — 1556 Наврўз Аҳмад 1552 — 1556 Бурҳон султон 1556 — 1561 Пирмуҳаммад 1561 — 1583 Искандархон 1583 — 1598 Абдуллахон ИИ 1598 — 1599 Абдулмўмин 1599 — 1601 Пирмуҳаммад ИИ 1601 — 1605 Боқимуҳаммад 1605 — 1608 Валимуҳаммад 1608 — 1650 Имомқули 1640 — 1647 Надр Муҳаммадхон 1645 — 1680 Абдулазиз 1680 — 1702 Субҳонқули 1702 — 1711 Убайдуллахон ИИ 1711 — 1747 Абулфайз 1756 — 1758 Муҳаммад Раҳим 1758 — 1785 Дониёлбий оталиқ 1785 — 1800 Амир Шоҳмурод 1800 — 1826 Амир Ҳайдар 1826 — 1826 Амир Ҳусайн 1826 — 1827 Амир Умар 1827 — 1860 Амир Насруллоҳ 1860 — 1885 Амир Музаффар 1885 — 1910 Амир Абдулаҳад 1910 — 1920 Амир Олимхон Ҳаволалар Тошкентликлар. Бароқхон (Наврўз Аҳмадхон) Тошкент мадрасалари. Бароқхон мадрасаси Бароқхон мадрасаси 500 йиллик кумуш танга Адабиётлар ЎзМЕ. Биринчи жилд. Тошкент, 2000-йил