Basel Abdulfattoh
Басел Мансурович Абдулфаттоҳ (1990-йил 6-мартда Ленинградда туғилган) россиялик футболчи бўлиб, ҳимоячи ампуласида ўйнайди.
| Шахсий маълумот | |||
|---|---|---|---|
| Таваллуд санаси | 1990-йил 6-март | ||
| Таваллуд жойи |
Ленинград  СССР | ||
| Амплуаси | Ҳимоячи | ||
Биографияси
Баселнинг отаси суриялик бўлиб, Дамашқда туғилган. У ҳаваскор футболчи бўлган ва 1980-йиллар бошида СССРга ЛИИЖТда ўқиш учун келган. Курсдоши Татянага уйланиб, иккинчи фуқароликни олган. Басел исми арабчадан „жасур“ ва „қўрқмас“ деб таржима қилинади. Абдулфаттоҳнинг ўзи араб тилини билмайди ва ўзини рус деб ҳисоблайди[1]. Олти ёшидан „Кировец“ мактабида шуғулланган, ўзидан бир ёш катталар жамоасида ўйнаган, мураббийи Сергей Валентинович Вараксин бўлган. 2000-йилда уни Юрий Кантор СДЙУСҲОР „Смена“га таклиф қилган, бу ерда В. Ф. Губарев унинг мураббийи бўлган[2].
14 ёшида Москванинг бир неча клублари унга қизиқиш билдирган. "Спартак, " ССКА, „Локомотив“ интернатларига таклиф этилган, аммо „Смена“да қолишни маъқул кўрган[3]. 2007-йилда „Зенит“ скаутлари томонидан рўйхатга олинган, бироқ мавсумлар орасида олган жароҳати туфайли бирорта ҳам ўйин ўтказмаган. 2008-йил февралда скаутларнинг биринчи йиғинида иштирок этган[4], 2008—2010-йилларда „Зенит“ ёшлар жамоасида 69 та ўйин ўтказиб, 4 та гол урган. 2009-йилда ёшлар биринчилигининг ғолиби, 2010-йилда бронза медали соҳиби бўлган. 2007-йилда ўсмирлар ўртасида Россия чемпиони, ўз ёш тоифасида Санкт-Петербургнинг бир неча бор ғолиби бўлган. Герсен номидаги РГПУда таълим олган.
2011-йил январида „Спартак-Налчик“ клубида синов муддатини ўтаган[5], аммо кейинчалик „Криля Советов“га ўтган. Премер-лигадаги дебютини 9-март куни 4-турда „Локомотив“га қарши ўйинда ўтказган ва 62-дақиқада Олег Самсонов ўрнига майдонга тушган[6].
2014-йил июнида Санкт-Петербургнинг „Динамо“ клуби билан шартнома имзолаган[7].
2016-йил январида Суриянинг „Ал-Жайиш“ клуби билан ярим йиллик шартнома тузган[8]. 2016-йил охирида Сурия фуқаролигини олишга муваффақияциз уринишдан сўнг Санкт-Петербургга қайтиб келиб, профессионал фаолиятини якунлаган[9].
2020-йил ҳолатига кўра у кўчмас мулк ва инвестициялар соҳасида бизнесмен сифатида фаолият юритмоқда[10].
Терма жамоа
басел Россия ёшлар терма жамоасидаги дебютини 2010-йил 11-августда Европа чемпионати саралаш босқичининг Латвияга қарши ўйинида ўтказган. 90-дақиқада Артём Дзюба ўрнига майдонга тушган. 2011-йилдаги Ҳамдўстлик чемпионлар кубогида Россия ёшлар терма жамоаси таркибида 3 та ўйинда майдонга тушган.
Манбалар
- ↑ Почему в „Зените“ мало питерсев? (Wайбаcк Мачине сайтида 2016-03-15 санасида архивланган) „Советский спорт“
- ↑ „Басель Абдулфаттах: «Атмосфера в команде отличная!»“ (ру). Официальный сайт ФК «Зенит». 2020-йил 19-февралда асл нусхадан архивланган. Қаралди: 2020-йил 19-феврал.
- ↑ „Сириец рвётся в «Зенит»“. 2017-йил 11-февралда асл нусхадан архивланган. Қаралди: 2011-йил 10-апрел.
- ↑ „Сириец рвётся в «Зенит»“. 2017-йил 11-февралда асл нусхадан архивланган. Қаралди: 2011-йил 10-апрел.
- ↑ Абдулфаттах отправился на просмотр в налчикский „Спартак“ (Wайбаcк Мачине сайтида 2011-03-18 санасида архивланган) „Спорт-Экспресс“
- ↑ „«Крылья Советов» 1:0 «Локомотив»“ (ру). Чемпионат.ру. 2011-йил 12-апрелда асл нусхадан архивланган. Қаралди: 2011-йил 11-апрел.
- ↑ „Подписаны контракты с тремя футболистами“ (ру) (деадлинк). Официальный сайт ФК «Динамо» (Санкт-Петербург) (2014-йил 30-июн). 2014-йил 16-июлда асл нусхадан архивланган.
- ↑ „Бывший защитник молодёжной сборной России Абдулфаттах переехал в Сирию“ (ру). Чемпионат.cом (2016-йил 10-март). 2016-йил 10-мартда асл нусхадан архивланган. Қаралди: 2016-йил 10-март.
- ↑ Дарья Тубольцева. „«Все были в шоке, узнав, куда еду». Как россиянин в Сирии играл“ (ру). Чемпионат.cом. 2020-йил 19-февралда асл нусхадан архивланган. Қаралди: 2020-йил 19-феврал.
- ↑ „Закончить карьеру в России и уехать в чемпионат Сирии во время войны. Удивительная история бывшего футболиста «Зенита»“. 2020-йил 17-октябрда асл нусхадан архивланган. Қаралди: 2020-йил 15-октябр.