Batterfly

Баттерфляй (инг . буттерﬂ й, айнан — капалак) — спортча сувда сузиш усули, бунда сувда кўкракда турган ҳолда қўлларни баравар айланма шаклда ҳаракатлантириб сузилади, оёқлар брасс усулидагидек ҳаракатлантирилади. 1934-йилда пайдо бўлган. 1952-йилгача брасснинг бир тури ҳисобланган. 1953-йилдан Халқаро ҳаваскорлик сувда сузиш федерацияси (ФИНА) қарорига кўра мустақил спорт турига айланган. Шу йилдан Б.нинг такомиллаштирилган кўриниши — "делфин" пайдо бўлади. Олимпия ўйинлари дастурига 100 м (1968-йилдан — эркаклар, 1956-йилдан — аёллар ўртасида) ва 200 м (1956-йилдан — эркаклар, 1968-йилдан — аёллар ўртасида) масофага сузиш киритилган.