Baxtiyor Rahimov
Бахтиёр Раҳимов (русча: Бахтия́р Раги́мов) (тахминан 1963-йилда таваллуд топган) Ўзбекистондаги исломий республика тарафдори бўлган исёнчилар етакчиси. Ҳозирги кунда Ўзбекистон ҳукумати томонидан хибсда сақланмоқда.
Биографияси
Бахтиёр Раҳимовнинг 2005-йил май ойида уюштирилган Ўзбекистондаги норозилик намойишлари ва Андижон воқеасигача бўлган тарихи ҳақида маълумотлар кўп эмас. Раҳимов Қирғизистон билан чегарада жойлашган Қорасув шаҳрида яшовчи фермерлардан бўлган. Қорасувдан 50 км узоқликдаги Андижонда содир этилган бир қатор норозилик намойишлари ва қатағонлардан сўнг минглаб ўзбеклар чегарадаги шаҳарга бостириб кириб, мамлакатни тарк этишга уринадилар. Тахминан 2005-йил 13-майда Раҳимов ва унга содиқ шахслар Қорасув устидан назоратни эгаллаб олишади.
Раҳимов ҳозирги Марказий Осиё давлатлари ўрнига исломий давлат тузиш режасини эълон қилади. У отда ўтирган ҳолда Ассоcиатед Прессга берган интервюсида[1] „Биз бу ерда Қуръонга мувофиқ исломий давлат қурамиз“ деган сўзлари ва Қирғизистон, Тожикистон, Туркманистон ва „бутун дунё“га етиб бориши ҳақидаги мақсадини тилга олади[2]. АП хабарларида айтилишича, 17-май ҳолатига кўра, ҳудудда ўзбек ҳарбийлари бўлмаган, фақатгина Раҳимов тарафдорлари сони ҳақидаги тахминлар мавжуд бўлган. Раҳимов „Бизда қурол йўқ, лекин улар келиб бизга ҳужум қилишса, ҳатто пичоқ билан ҳам уришамиз“, деган сўзларни айтган.
2005-йил 18-майда Раҳимов кичик қаршиликдан сўнг ҳукумат қўшинлари томонидан қўлга олинади. Шунингдек, Раҳимовнинг 14 ёшли ўғли ва у билан алоқаси мавжуд бўлиши мумкин бўлган йигирмага яқин киши ҳибсга олинган. Қорасувнинг босиб олиниши 2005-йил майидаги Андижон воқеасидан келиб чиққан қаршиликнинг сўнгги таъсирларини йўқ қилишга сабаб бўлади[3]. Ҳибсга олинганларнинг аксарияти озод этилганига қарамай, 19 ва 20-май кунлари ҳам Раҳимов озодлигини талаб қилган норозилик намойишлари кучли ҳарбий иштироклар билан биргаликда давом этади[4].
Манбалар
- ↑ „Яҳоо Неwс - Латест Неwс & Ҳеадлинес“. 2005-йил 22-апрелда асл нусхадан архивланган. Қаралди: 2022-йил 20-феврал.
- ↑ „Референcе ат абcнеwс.го.cом“. АБC Неwс.
- ↑ „ФОХНеwс.cом - Узбек Говернмент Ретакес Бордер Тоwн - У.С. & Wорлд“. Фох Неwс. 2007-йил 11-мартда асл нусхадан архивланган.
- ↑ „Яҳоо Неwс - Латест Неwс & Ҳеадлинес“.